Hotel Meliá Bilbao

Bilboko Meliá hotela, ofizialki Hotel Meliá Bilbao, Bizkaiko Bilbo hiriburuan dagoen hotel bat da. 2004an ireki zenean Sheraton Bilbao izenarekin jaio zen.

Hotel Meliá Bilbao
Meliá hotelaren irudia. Irudi gehiago
Kokapena
Herrialdea	Euskal Herria
Probintzia	Bizkaia
Herria	Bilbo
Koordenatuak	43°16′03″N 2°56′31″W
Historia eta erabilera
Irekiera	2004ko uztailaren 7a
Arkitektura
Arkitektoa	Ricardo Legorreta
Solairuak	11
Webgune ofiziala

Kokalekua

Abandoibarrako Leizaola lehendakaria etorbidean dago, Casilda Iturrizar parkea, Eduardo Victoria de Lecea pasealekua, Peña Gantxegiren eraikina, Zubiarte merkataritza-gunea, Abandoibarra etorbidea eta Euskalduna jauregiaren alboan.

Bilboko Arte Ederretako Museoa, Bilboko itsasadarra, Iberdrola dorrea, Euskadi plaza eta Guggenheim Bilbao Museotik ere oso hurbil dago.

Historia

2004ko uztailaren 7an Sheraton hotel kate ezagunak inauguratu zuen, 2009ko irailaren 15ean Hotel Meliá Bilbao izena jaso zuen. Ricardo Legorreta mexikar arkitektoak Eduardo Txillidaren lanetan oinarrituz eraikin ikusgarri hau diseinatu zuen.

Eraikina

Eraikin gorrixka hau bost izarretako hotela da, 11 solairuko garaiera eta estilo garaikideko 211 gela ditu, denak kalera begira.

Beheko solairuan Aizian jatetxea du, 2014an Michelin Gidaren izar bat lortu zuena.

• 
  Meliá hotela eta Iberdrola dorrea
• 
  Casilda Iturrizar parketik ikusita
• 
  Eraikinaren ikuspegi orokorra.
• 
  Hurbiletik.

Kanpo estekak

Euskarazko Wikipedian bada atari bat, gai hau duena: Bilbo

• Bilboko Meliá hotelaren webgunea

• Datuak: Q18402093
• Multimedia: Hotel Meliá Bilbao / Q18402093