Eugene Shoemaker

Eugene Merle Shoemaker edo Gene Shoemaker (Los Angeles, Kalifornia, Ameriketako Estatu Batuak, 1928ko apirilaren 28a - Alice Springs, Australia, 1997ko uztailaren 18a) estatubatuar astronomoa eta geologoa izan zen. Bere emazte Carolyn Shoemakerrekin eta David H. Levy kanadar astronomoarekin batera, Shoemaker–Levy 9 kometa aurkitu zuen. Planetologia zientziaren sortzaileetako bat izan zen.

Eugene Shoemaker
Irudi gehiago
Bizitza
Jaiotza	Los Angeles, 1928ko apirilaren 28a
Herrialdea	Ameriketako Estatu Batuak
Heriotza	Alice Springs, 1997ko uztailaren 18a (69 urte)
Hobiratze lekua	Ilargia
Heriotza modua	istripuzko heriotza: trafiko-istripua
Familia
Ezkontidea(k)	Carolyn Shoemaker  (1951ko abuztuaren 17a -  1997ko uztailaren 18a)
Anai-arrebak	ikusi Maxine Shoemaker Heath (en)
Hezkuntza
Heziketa	Kaliforniako Teknologia Institutua Princetongo Unibertsitatea
Doktorego ikaslea(k)	Schelte J. Bus (en)
Jarduerak
Jarduerak	astronomoa eta geologoa
Lantokia(k)	Tübingen
Enplegatzailea(k)	Ameriketako Estatu Batuetako Geologia Zerbitzua Kaliforniako Teknologia Institutua
Lan nabarmenak	ikusi discoverer of asteroids (en)
Jasotako sariak	ikusi Arthur L. Day Medal  (1982) John Price Wetherill Medal  (1965) Zientzia Domina Nazionala  (1992) William Bowie Medal  (1996) G. K. Gilbert Award  (1983) Gerard P. Kuiper Prize  (1984) Barringer Medal  (1984) NASA Exceptional Scientific Achievement Medal  (1996) Fellow of the American Academy of Arts and Sciences James Craig Watson domina  (1998) Leonard Medal  (1985) Whipple Award  (1993) Eugene Shoemaker Distinguished Scientist Medal  (2009)
Kidetza	Arteen eta Zientzien Ameriketako Estatu Batuetako Akademia Ameriketako Estatu Batuetako Zientzien Akademia Nazionala

Bizitza

Eugene Shoemaker asteroideak topatzeko erabili ohi den mikrospokio estereoskopiko bat erabiltzen.

Ikasketak Kaliforniako Teknologia Institutuan egin zituen, Pasadenan, eta ondoren Princetongo Unibertsitatean aritu zen. Azken horretan lortu zuen doktoregoa 1960an. Ospetsu egin zen tektonika, bolkanologia eta geokimikan, baina batez ere Coloradoko goi-lautadari buruz egin zuen azterketa zehatzagatik nabarmendu zen. Lurreko eta Ilargiko kraterrei buruz zituen ezagutzei esker, zientzialariak konbentzitu zituen Arizonako Meteor Crater ospetsua asteroide baten talkak sortu zuela.

Astronauta izan nahi zuen, baina test fisikoak eskasak izan zituen. Luzaroan lan egin zuen NASArekin Apollo programan, eta Astrogeologia Zentroa sortu zuen. 1969-1989 urteen bitartean Caltecheko irakasle izan zen. Garrantzi handiko oinarriak azaldu zituen eguzki-sistema hobeto ezagutzeko. Carolyn emaztearekin urte askoan Schmidt teleskopioa erabili zuen, asteroideak eta kometak bilatzeko: hogeita zortzi kometa aurkitu zituen, eta hamarka asteroide. Asteroideek lurrean izandako talkak aztertzen eman zituen azken urteak.

Kanpo-loturak

Wikimedia Commonsen badira fitxategi gehiago, gai hau dutenak: Eugene Shoemaker

• Eugene Shoemakerri buruzko USGS erakundeko orrialdea (Ingelesez)
• Eugene Shoemakerri buruzko NASAren orrialdea (Ingelesez)

• Datuak: Q216874
• Multimedia: Eugene Merle Shoemaker / Q216874