Elortz (kontzejua)

Artikulu hau Nafarroako kontzejuari buruzkoa da; beste esanahietarako, ikus «Elortz (argipena)».

Elortz Noain Elortzibarko kontzejua da. 2007ko urtarrilaren 1eko erroldan, 124 biztanle zituen.

Elortz
Euskal Herria
Kokapena
Herrialdea	Nafarroa
Udalerria	Noain Elortzibar
Posta kodea	31470
Geografia
Koordenatuak	42°44′02″N 1°33′37″W
Garaiera	480 m
Demografia
Biztanleria	293 (2020)

Elortz 21-4-28

Elortz 21-4-28

Kokapena

Elortzen herri mugakideak honakoak dira: Zabalegi mendebaldean, Zulueta ipar-mendebaldean, Iharnotz eta Otao hegoaldean, eta Ezperun hego-mendebaldean.

Historia

Erdi Aroko jaurerria, 1142an Urraca Ortiz-ek Iruñeko Loperi eman zion San Bartolomé monasterioarekin batera. 1802an Elortz Elortzibarko diputatuak eta herritarren artean aukeratutako erregidoreak zuzentzen zuten.

1847an eskola zeukan eta bertako maisuak 800 errealeko soldata jasotzen zuen urtero. Horrez gain, Iruñea eta Zangoza arteko bidean egonik, Elortzek benta zeukan bide hartan. Posta, Elotik etortzen zen astean hiru aldiz.

Demografia eta biztanleria

Elortzeko biztanleria

2000	2001	2002	2003	2004	2005	2006	2007
118	124	133	145	122	121	118	124

Ondarea

• San Esteban eliza: Tenplu barruan, XVII. mende hasierako erretaula erromanista dago. Erretaularen itxura klasikoaz Juan de la Hera arduratu zen eta eskultura Gaspar Ramosen lana da.

Azpiegitura eta garraioak

La Sanguesina Veloz edo Zangoztar Azkarra izeneko autobus konpainiak Elortz Zangoza Iruñea eta inguruko herriekin batzen ditu. Linea nagusiak honakoak dira:

• Kaseda - Zangoza - Iruñea
• Iruñea - Zangoza - Kaseda

Jaiak eta ospakizunak

Elortzeko jaiak Jasokundearen omenez ospatzen dira abuztuaren 15aren inguruan.

Ikus, gainera

• Noain Elortzibar

Kanpo estekak

Euskarazko Wikipedian bada atari bat, gai hau duena: Nafarroa

• Kontzejuaren ikuspegia A-21 autobidetik Google Street View-n.

• Datuak: Q8775081
• Multimedia: Elortz, Noáin / Q8775081