Ireki menu nagusia

Duncan Dhu Euskal Herriko musika taldea izan zen, 1984an eta Donostian sortutakoa. Bere garaiko pop-talderik ezagunetarikoa izan zen Espainiako estatuan.

Duncan Dhu
Datuak
Jatorria Donostia (Gipuzkoa)
Musika mota Pop-rock, Rockabilly
Urteak 1984-2001
Produkzioa
Diskoetxea(k) DRO East West
Taldekideak
Mikel Erentxun
Diego Vasallo
Juan Ramón Viles
Informazio gehigarria
MusicBrainz 60a14c16-ac69-4898-b0cd-12cb87e327c9

Musika taldearen izena Robert Louis Stevenson eskoziar idazlearen 1986ko Bahitua deritzon eleberriko Duncan Dhu Maclaren pertsonaiari lotua dago.

Eduki-taula

HistoriaAldatu

1984an, Mikel Erentxun, Diego Vasallo eta Juan Ramón Vilesek osatu zuten. 1985ean diskoetxe batekin lehen kontratua sinatu ondoren, bi single kaleratu zituzten: Mi amor eta Bésame. Urte hartan bertan, disko labur bat kaleratu zuten, Por Tierras Escocesas izenekoa.

Bigarren lan luzea 1986an eman zuten argitara, Canciones izenburupean. Bertan jasotzen ziren Cien gaviotas, Esos ojos negros eta Jardín de rosas bezalako kantu ezagunak; 60 kontzertutik gorako bira egin zuten eta salmenta izugarriak lortu zituen disko honek.

1988an El grito del Tiempo diskoa kaleratu zuten, Una calle de París eta En algun lugar abestiak barne zeudelarik.; Espainian ezik, Latinoamerikan ere arrakasta handia lortu zuen disko horrek.

1989an, beren diskoetxeak artean argitara eman gabeko lanak kaleratu zituen. Londresera joan eta The Atractions, Brynsley Swchartz, Bob Andrews eta Nick Love bezalako musikarien laguntzarekin kaleratu zuten Autobiografia lana. Estatu Batuetan zehar bira egin zuten eta 1990ean, Grammy sarien barnean sari baterako izendatuak izan ziren. Autobiografia lana atzerriko hainbat herrialdetan argitaratu zen. Aurkezpen biraren ostean, taldekideek bakarkako lanari ekin zioten, baina ez zuten taldea erabat alboratu, Supernova izeneko lana kaleratu baitzuten 1991n, La casa azul abesti ezagunarekin.

1994an, Piedras izeneko lana eman zuten argitara. Handik urtebetera, taldearen 10. urteurrena ospatzen zenez, zuzeneko diskoa grabatu zuten Donostiako Victoria Eugenia Antzokian. Teatro Victoria Eugenia izena zuen, hain zuzen, disko hark.

1998an, Colección, 1985-1998 bilduma kaleratu zuten, taldearen arrakastak biltzen zirena. Lan horren inguruan elkartu ziren bira egiteko bakoitza bere karrerari emanda zeuden Mikel Erentxun eta Diego Vasallo.

TaldekideakAldatu

DiskografiaAldatu

  • Por tierras escocesas - 1985
  • Canciones - 1986
  • El grito del tiempo - 1987
  • Grabaciones Olvidadas - 1989
  • Autobiografía - 1989
  • Supernova - 1991
  • Piedras - 1994
  • Teatro Victoria Eugenia - 1995
  • Colección 1985-1998 - 1998
  • Crepúsculo - 2001
  • 20 años de canciones - 2005

ErreferentziakAldatu

Kanpo loturakAldatu