Donostia-Hondarribia aireportua
Donostia-Hondarribia aireportua — ofizialki Donostiako aireportua / Aeropuerto de San Sebastián — (IATA: EAS, NAZE: LESO) Gipuzkoako aireportu nagusia da, Hondarribiko udalerrian kokatua, Donostiatik 22 kilometrora.
| Donostia-Hondarribia aireportua | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||
 | |||||||||||||||||||
| Kokapena | |||||||||||||||||||
| Herrialdea |  Euskal Herria | ||||||||||||||||||
| Probintzia |  Gipuzkoa | ||||||||||||||||||
| Udalerria | Hondarribia | ||||||||||||||||||
| Koordenatuak | 43°21′23″N 1°47′26″W / 43.3564°N 1.7906°W | ||||||||||||||||||
 | |||||||||||||||||||
| Altitudea | 4,87 m, itsas mailaren gainetik | ||||||||||||||||||
| Historia eta erabilera | |||||||||||||||||||
| Irekiera | 1955 | ||||||||||||||||||
| Inaugurazioa | 1955eko abuztuaren 22a | ||||||||||||||||||
| Kudeatzailea |  ENAIRE | ||||||||||||||||||
| Izenaren jatorria | Donostia | ||||||||||||||||||
| Aireportua | |||||||||||||||||||
| |||||||||||||||||||
| Zerbitzu hiria | Donostia | ||||||||||||||||||
| Webgune ofiziala | |||||||||||||||||||
Historia
aldatu
1910eko hamarkadaren hasieran, Gipuzkoak bi aireportu txiki zeuzkan, Ondarretakoa eta Lasartekoa. Horrez gain, Kontxako badia ur-hegazkinek erabiltzeko modukoa zen. 1920. urtean Irungo pertsona talde batek probintziako aireportu nagusia bertan eraikitzea proposatu zion Espainiako Sustapen Ministerioari. Horretarako, Plaiaundi izeneko gunea proposatu zuten Bidasoa ibaiaren bokalean. Beste bi aireportu txikiek martxan segitu zuten, Madril eta Teneriferako hegaldiak eskainiz.
1930eko hamarkadan zehar, Irunen aireportua eraikitzeko egitasmoa berreskuratu zen, baina zailtasun teknikoak zirela medio, bertan behera geratu zen 1934an. Espainiako aireportuen trafikoa asko handitzen ari zela, 1950eko hamarkadan berriro ere Irunen aireportua eraikitzeko ideia berpiztu egin zen. Azkenik, eraikuntza lanak hasi eta urte eta erdiren buruan eraiki zuten aireportua.
Inaugurazioa eta bilakaera gaur egun arte
aldatuInaugurazio ekitaldiak 1955eko abuztuaren 22an egin ziren eta lehen hegaldia abuztuaren 29an izan zen, Aviacoren hegaldi baten bitartez. Dena den, hegazkinek Frantziaren gainetik hegan egin behar zutenez, horrek Frantziako gobernuaren kezka sortu zuen. Horrez gain, aireportuaren azpiegitura ezaren ondorioz, ondoko kontserba lantegi bat bidaiari terminal modura egokitzera behartu zuten.
Espainia eta Frantziak 1957an adostu zituzten aireportuaren ustiapen mugak: haien arabera, erreakzio-hegazkinek aireportua erabiltzea debekatu zuten, egin beharreko maniobren desegokitasuna zela eta. 1961ean, pista 1.500 metrora luzatu zen eta 1965. urtean, kontrol dorrea eraiki; 1969ean, pista berriro ere luzatu zen, gaurko 1.754 metroetara.
Egun, aireportua zabaltzeko proiektuaren inguruko eztabaida handia dago. 2000ean Espainiako Sustapen Ministerioak pista handitzeko proiektu bat aurkeztu zuen, hegazkin handiagoek erabiltzeko aukera izan zezaten. Dena den, asmoa gauzatuz gero, etxebizitza eta lantegi batzuk eraitsi beharko liratekeela eta, Irun eta Hondarribiko hainbat bizilagunen haserrea eragin zuen eta hainbat manifestaldi egin ziren haren aurka. 2004an Espainiako gobernuan aldaketa gertatu zenean, bertan behera geratu zen, baina Sustapen Ministerioak proiektua zehazteko asmoa erakutsi du 2006. urtean zehar: gauzak horrela, 2009an Sustapen Ministerioak eta Eusko Jaurlaritzako Garraio Sailak pista luzatzea erabaki zuten, 150 metro Mendelu aldera eta 50 metro itsaso aldera, gaur egungo eragingarritasuna bermatzeko[1].
Hegaldiak
aldatu Hegaldiak
| |
|---|---|
| |
Estatistikak
aldatu |
| Eguneratua: 2017ko otsailaren 13a.[3] |
| Urtea | Bidaiariak | Urtea | Bidaiariak |
|---|---|---|---|
| 2001 | 281.059 | 2009 | 315.294 |
| 2002 | 271.224 | 2010 | 286.059 |
| 2003 | 283.843 | 2011 | 248.054 |
| 2004 | 295.533 | 2012 | 261.581 |
| 2005 | 308.775 | 2013 | 244.952 |
| 2006 | 368.002 | 2014 | 245.422 |
| 2007 | 466.457 | 2015 | 255.077 |
| 2008 | 403.191 | 2016 | 264.422 |
Ezaugarriak
aldatu- Lurreratze pista (1.754 m luze)
- Bidaiari terminala
- Aparkalekua (584 ibilgailu)
- 3 Ontziratze ate
Hegaldiak bidaiarien arabera
aldatu| Postua | Hiria | 2011n | 2012an | Aldaketa | Airelineak |
|---|---|---|---|---|---|
| 1 |  Madril, Espainia
|
183.455 | 169.138 | ▼%7,80 | Air Nostrum |
| 2 | Bartzelona, Espainia
|
49.205 | 81.027 | ▲%64,67 | Air Nostrum, Vueling |
| 3 | Palma, Espainia
|
1.450 | 4.306 | ▲%196,97 | Air Nostrum |
| 4 | Valentzia, Espainia
|
343 | 449 | ▲%30,90 | |
| 5 | Madril-Torrejón, Espainia
|
413 | 366 | ▼%11,38 |
Erreferentziak
aldatu- ↑ (Gaztelaniaz) Aireportuko pista 150 metrotan Mendelu aldera luzatzea eta itsasoaldera 50 metro luzatzea erabaki da, Diario Vasco, 2009-04-15
- ↑ (Noiz kontsultatua: 2010-06-08).
- ↑ (Gaztelaniaz) (pdf) AENA. (Noiz kontsultatua: 2017-02-13).
Ikus, gainera
aldatuKanpo estekak
aldatu| Euskarazko Wikipedian bada atari bat, gai hau duena: Donostia |
| Euskarazko Wikipedian bada atari bat, gai hau duena: Gipuzkoa |
- Donostiako aireportua AENAko webgunean. (Gaztelaniaz) (Ingelesez)
Datuak: Q1432736
Multimedia: San Sebastián Airport / Q1432736
