Christopher Reeve

Christopher D'Olier Reeve, ezagunagoa Christopher Reeve izenez (New York, AEB, 1952ko irailaren 25a - Mount Kisco, New Yorkeko estatua, AEB, 2004ko urriaren 10a) estatubatuar aktorea izan zen. Gehienbat Superman, Superman II, Superman III, Superman IV eta The Remains of the Day filmak antzezteagatik ezaguna da.

Christopher Reeve
(1985) Irudi gehiago
Bizitza
Jaiotzako izen-deiturak	Christopher D'Olier Reeve
Jaiotza	New York, 1952ko irailaren 25a
Herrialdea	Ameriketako Estatu Batuak
Bizilekua	Pound Ridge
Heriotza	Mount Kisco, 2004ko urriaren 10a (52 urte)
Heriotza modua	berezko heriotza: miokardio infartu akutua septizemia
Familia
Aita	Franklin D'Olier Reeve
Ama	Barbara Pitney Lamb
Ezkontidea(k)	Dana Reeve  (1992 -  2004)
Hezkuntza
Heziketa	Juilliard School (en) Princeton Day School (en) Cornell Unibertsitatea HB Studio (en)
Hizkuntzak	ingelesa
Jarduerak
Jarduerak	telebista-aktorea, zinema aktorea, film-zuzendaria, antzerki aktorea, ahots-aktorea, aktorea, errealizadorea, zinema ekoizlea eta gidoilaria
Altuera	193 zentimetro
Jasotako sariak	ikusi Primetime Emmy Sariak New Jersey Ospe-aretoa ASCB Public Service Award  (2001) Lasker-Bloomberg Public Service Award  (2003) Izarra Hollywoodeko Ospearen pasealekuan Grand Cross of the Order Bernardo O'Higgins  (2004) Grammy Award for Best Audio Book, Narration & Storytelling Recording  (1999ko otsailaren 24a) : Still Me (en) Audie Award for Narration by the Author
Sinesmenak eta ideologia
Erlijioa	Unitarian Universalism (en)
christopherreeve.org

Biografia

Antzerki ikasketak egin zituen, Williamstown Antzokian, eta hamazazpi urterekin denboraldi oso bat eman zuen Maineko Boothbay Playhousen. Gero telebistan hasi zen lanean, Love of life sailean. Sail hark arrakasta handia izan zuen eta Reeve oso ezaguna egin zen. Horri esker lan eskaintza asko izan zituen. Antzerkian A Matter of Gravity (1976) obran parte hartu zuen, Katherine Hepburnekin, eta Jack Lemmon eta Walter Matthaurekin batera ere lan egin zuen geroago.

Zineman 1977an egin zuen debuta, Alerta gorria: Neptuno hondoratua filmean, David Greeneren zuzendaritzapean. Garai hartan, Salkind anaiek Superman superheroiaren papera jokatzeko hautatu zuten. 1978an Superman: The Movie filma estreinatu zen, eta izugarrizko arrakasta izan zuen. Handik bi urtera filmaren bigarren zatia estreinatu zen, arrakasta handiz hura ere, eta 1983an hirugarrena. Bien bitartean beste film batzuetan parte hartu zuen. 1984an oso harrera ona izan zuen film batean esku hartu zuen, Bostondarrak, Vanessa Redgraverekin. 1987an laugarren eta azken aldiz egin zuen Superman papera, baina haurrekoetan ez bezala porrot egin zuen.

1988an antzerkira itzuli zen berriro, eta Tennessee Williamsen Uda eta Kea obran parte hartu zuen.

Beste film aipagarri batzuk ditu: Deathtrap (1982, Sidney Lumet); Monsignore (1982, Frank Perry); Street Smart (1987); Switching Channels (1988); The Remains of the Day (1993), Village of the Damned (1995) eta Rear Window (1998).

1995ean, zaldi lehiaketa batean parte hartzen ari zela, zalditik erori eta elbarri geratu zen.

Irudi galeria

• 
  Reeve 1979an edo 1980an
• 
  Ronald Reagan eta Christopher Reeve 1983an
• 
  Christopher Reeve 2003an, hil aurreko urtean emandako hitzaldi batean

Kanpo loturak

Wikimedia Commonsen badira fitxategi gehiago, gai hau dutenak: Christopher Reeve

• Christopher Reeve aktorearen IMDBko fitxa ikusgai (Ingelesez)
• Christopher Reeve Fundazioaren webgune ofiziala (Ingelesez)

• Datuak: Q174311
• Multimedia: Christopher Reeve / Q174311