Berrizko geltokia
Berriz Euskotrenen E1 eta 1D lineei dagokien lurgaineko tren geltokia da, izen bereko udalerrian kokatuta dagoena. Bizkaiko Garraio Partzuergoaren 4. tarifa-gunearen barruan dago.
| Berriz | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
 | |||||||||||||||
| Lineak | |||||||||||||||
| |||||||||||||||
| Kokapena | |||||||||||||||
| Helbidea | Geltoki kalea, 2; 48240 | ||||||||||||||
| Udalerria | Berriz,  Bizkaia | ||||||||||||||
| Geltokiaren datuak | |||||||||||||||
| Gunea | 4. gunea | ||||||||||||||
| Irisgarria |  | ||||||||||||||
| Zerbitzuak |   | ||||||||||||||
| Nasak | 2 | ||||||||||||||
| Trenbideak | 2 | ||||||||||||||
| Jabea | Euskal Trenbide Sarea | ||||||||||||||
| Eragilea | Eusko Trenbideak | ||||||||||||||
| Garraio zerbitzuak | |||||||||||||||
| EuskoTren |  Bilbo ↔ Donostia  Bilbo ↔ Elgoibar | ||||||||||||||
Sarbideak aldatu
Geltokiak bi sarbide ditu, trenbideen alde banara, biak kaleko kotan. Arkaraz kaleko sarbidearen ingurua aparkalekua da, eta espaloiak zabalera txikiegia du mugikortasun urriko pertsona batek laguntzarik gabe zeharkatu ahal izateko.
Geltoki kalea, 2- Arkaraz kalea, 2
Geltokia aldatu
Geltokia bi bestibuludun eraikin eta bi nasaz hornituta dago. Nasa aldaketa pasonibela gurutzatuz egiten da. Kanpoaldean, Arkaraz kalean, 12 plazadun aparkalekua dago.
2015eko azaroaren 19an irisgarritasuna hobetzeko lanak hasi ziren, geltokia EMU-900 eta EMU-950 serieetako tren berriei egokitzeko. Nasak 25 zentimetro inguru igoarazi ziren eta zorua berriztatu zen, tren serie hauek dakartzaten irisgarritasun urriko pertsonentzako arrapalak erabilgarri egiteko. Lanak urte bereko abenduan amaitu ziren.[1]
2017ko abenduaren 4an txartel-salmenta makina automatiko berriak ezarri ziren geltokian, mugikortasun urriko pertsonentzako irisgarritasun materian estandarrak bete, entzuteko desgaitasuna duten pertsonentzako T moduko bukle magnetikoa, Braille serigrafiak interakzio elementu guztietan (botoiak, txarteldegiak, eta abar), eta itsumen eta ikusteko desgaitasun handia duten pertsonei egokitutako salmenta softwarea dutenak.[2]
Tarifa-guneen tirabirak aldatu
2017ko martxoaren 8an Bizkaiko Garraio Partzuergoak garraio publikoaren zonakatze berriak aurkeztu zituen, Berriz eta Zaldibarko udalerriei dagokien tarifa-gunea Durangaldetik ezberdinduz, 5. tarifa-gunean sartuta. Horren ondorioz, aipatutako Udalak Partzuergoarekin bildu ziren Durangaldeko zonakatzera bueltarazteko, izan ere, udalerriok Durangorekin dute harremanik handiena, eta zonakatze berriarekin merkeagoa zaie Debara bidaiatzea Durangora baino. Udalerriok 4. tarifa-gunean integratzea eskatu zuten, baina Partzuergoaren arabera, udalerriek gutxienez urte bete itxaron beharko lukete zonakatzea aldatzeko pausoak eman ahal izateko, Bizkaiko Mugikortasun Agintea sortu eta geroko bilerak gauzatu arte.
Udalerriotako alkateek eskatuta, Partzuergoak argitaratu zituen datuak hurrengoak dira: Berriz eta Zaldibarren gehien erabiltzen den garraio publikoa trena da, eta egiten diren bidaietatik %70a Bizkaia du helmuga; %30a, aldiz, Gipuzkoa.[3]
Aurreko urtean ere antzekoa gertatu zen, Eusko Trenbideak sozietateak tarifa-guneak berritu baitzituen, eta Berriz eta Zaldibar Durangaldeko gainontzeko udalerrietatik bereizi zituen. Hainbat bilera egin ondoren, Euskotrenek atzera egin zuen eta udalerriak eskualdeko gainontzeko udalerriekin bateratu zituen berriro ere.
Tirabira horien ondoren, 2017ko maiatzaren 12tik aurrera Berriz eta Zaldibarko udalerriak 4. tarifa-gunera pasa dira.
Erreferentziak aldatu
- ↑ (Gaztelaniaz) «La estación de Berriz mejorará su accesibilidad. Deia, Noticias de Bizkaia» Deia (Noiz kontsultatua: 2018-09-14).
- ↑ Irekia. «Irekia - Euskotrenek salmenta automatikoko sistema ikusteko desgaitasuna duten pertsonentzako egokitu du» www.irekia.euskadi.eus (Noiz kontsultatua: 2018-09-04).
- ↑ (Gaztelaniaz) Berriz y Zaldibar seguirán movilizándose por el precio del tren. Deia, Noticias de Bizkaia. (Noiz kontsultatua: 2017-03-29).
Ikus, gainera aldatu
Kanpo estekak aldatu
Datuak: Q12255065
