Gustav Nachtigal

Gustav Hermann Nachtigal (Eichstedt, 1834ko otsailaren 23a - Stendal, 1885eko apirilaren 23a) alemaniar botanikaria, medikua eta esploratzailea izan zen, batez ere Erdialdeko Afrika esploratu zuena. 

Gustav Nachtigal
Irudi gehiago
Reichskommissar (en) 1884ko urriaren 7a - 1885eko maiatza
Bizitza
Jaiotza	Eichstedt (en) , 1834ko otsailaren 23a
Herrialdea	Prusiako Erresuma
Heriotza	Palmas lurmuturra, 1885eko apirilaren 20a (51 urte)
Hobiratze lekua	Duala
Heriotza modua	: itotzea
Familia
Anai-arrebak	ikusi Marie Prietze (en)
Hezkuntza
Heziketa	University of Greifswald (en) University of Halle-Wittenberg (en) Würzburgeko Unibertsitatea
Hizkuntzak	alemana
Jarduerak
Jarduerak	esploratzailea, idazlea, landare biltzailea eta botanikaria
Lantokia(k)	Kamerun Alemana German South-West Africa (en)  eta Togolandia
Jasotako sariak	ikusi Grande Médaille d'Or des Explorations  (1876) Founder’s Medal  (1882)
Kidetza	Alemaniako Natur Zientzien Leopoldina Akademia Corps Pomerania Greifswald (en) Corps Nassovia Würzburg (en)

Biografia

Eichstedten Alemaniako hirian jaio zen, Brandenburgon, artzain luterano baten semea. Medikuntza ikasi zuen Halleko, Würzburgeko eta Greifswaldeko unibertsitateetan. Gero zenbait urtez aritu zen zirujau militar gisa. Gustavek bere jaioterriko herrialdearen klima bere osasunerako kaltegarria zela aurkitu zuen eta, horregatik, Aljer eta Tunisiara joatea erabaki zuen, itsasontziko zirujau gisa parte hartuz espedizio ugarietan.

Prusiako erregearen aginduz, Kanem-Bornu Inperioko sultanari opariak eraman zizkion eskertzeko alemaniarrei mesedeak egitea. Kanpainia bost urte iraun zuen eta Tripoli hirian hasi zen 1869an; Tibestiko Sahara basamortua zeharkatu zuen eta Bornun 1871. urtean amaitu zen. Bornutik Bagirmi-n, Wadai-n, Kordofan-en eta Khartum-en zehar bidaiatu zuen 1874an.

1884. urtean, Otto von Bismarck alemaniako kantzilerrak Erdialdeko eta Mendebaldeko Afrikako enbaxadore berezia izendatu zuen Togolandiako eta Kamerungo lurraldeen anexionatzeak negoziatzeko. Horrela, bere esku hartzeei esker, Alemaniar Inperioaren koloniak bihurtu zituzten. Misio honetatik itzultzen ari zenean, 1885eko apirilaren 20an itsasoan hil zen, Palmas lurmuturraren aurrean, Grand Bassam-en lurperatuta izanik, Boli Kostan. 

Kanpoko loturak

Wikimedia Commonsen badira fitxategi gehiago, gai hau dutenak: Gustav Nachtigal

• Sahara and Sudan By Gustav Nachtigal, Allan George Barnard Fisher, Humphrey J. Fisher

• Datuak: Q60549
• Multimedia: Gustav Nachtigal / Q60549
• Espezieak: Gustav Hermann Nachtigal