Babes Zibil

Babes Zibila ia herrialde guztietan bertako gobernuen laguntzaz antolatzen diren ekintza multzoak dira. Helburua edozein larrialdiaren aurrean (uholdeak, lurrikarak, suteak, istripu larriak) herritarrak antolatzea da horien ondorioei aurre egiteko. Halaber, Babes Zibila komunitate baten barruan helburu horrekin antolatutako pertsonak dira.^[1] Ofizialki 1949ko abuztuaren 12an sortu zen, Genevako Itunaren bitartez.

Zer da Babes Zibila? aldatu

Babes Zibila zerbitzu publiko bat da. Herrietan antolatzen da eta tokian tokiko autoritate gorena alkatea da. Babes Zibileko zerbitzuaren helburua pertsona eta ondasunen babesa bermatzea da, arrisku kolektibo handiko, hondamen publikoko egoeran daudenean eta jendearen segurtasuna eta bizia arriskuan egon litekeenean; era berean oinarrizko zerbitzuen eta ohiko funtzionamenduaren eta bere metropoli-ingurunean eragina izan dezaketen arrisku naturalak eta teknologikoak gutxitzea ere helburu du.^[2]

Historia aldatu

Babes Zibila 1949ko abuztuaren 12an sortu zen, Genevako Itunaren bitartez; bertako lehenengo protokolo gehigarrian, “Nazioarteko Gatazka Armatuen Biktimeen Babesa”, eta Gurutze Gorriaren lana nolabait osatzeko, definizio hau dago: Babes Zibila edo Defentsa Zibila ondoko kasuetan kaltetuentzako laguntzarako eta bizirauteko baldintzak sortzea da; kasuak hauek dira:

1. Alarma Zerbitzua
2. Ebakuazioa
3. Babeslekuak prestatzea eta antolatzea
4. Segurtasun neurriak ezartzea
5. Salbamendu
6. Osasun zerbitzuak, lehen sorospenak eta erlijio-laguntza barne
7. Suteen aurkako borroka
8. Inguru arriskutsuak bilatzea eta azaltzea
9. Deskontaminazioa eta antzeko babes-neurriak
10. Larrialdietan ostalekuak eta janaria ziurtatzea
11. Kaltetutako lurraldetan ordena berreskuratzeko lanak
12. Oinarrizko zerbitzu publikoak berrezartzeko neurriak
13. Premiazko ehorzte zerbitzuak
14. Bizirauteko oinarrizko ondareen babesa
15. Helburu hauek betetzeko aktibitate osagarriak, planifikazioa eta antolaketa barne
16. Arriskutsuak izan daitezkeen animaliak harrapatzea
17. Trafikoa antolatzea

1977ko ekainaren 8an, Genevan, Protokolo Gehigarri bat sinatu zen.

Babes Zibilaren ikurra aldatu

Babes Zibilaren nazioarteko ikurra Protokolo Gehigarriaren 66. artikuluan jaso zen. Hau da deskribapena: Triangelu ekilatero urdina atzealde laranja baten gainean.