Wikipedia

Barbara Pravi

abeslari frantziarra

Barbara Piévic, artistikoki Barbara Pravi izenez ezaguna (Narbona, 1993ko apirilaren 10a) frantziar abeslari eta musikagilea da. Gurasoak frantziarrak ziren arren, aitona-amonak Serbia eta Irandik etorri ziren. Artista familia batean hazi zen, liburuz eta musikaz inguratuta. Pravi izena serbierazko prava hitzetik dator eta "benetakoa" esan nahi du, aitaren aldeko aitona serbiarraren omenez aukeratu zuen.

Barbara Pravi

Bizitza
Jaiotzako izen-deiturakBarbara Piévic
JaiotzaParisko 15. barrutia, 1993ko apirilaren 10a (31 urte)
Herrialdea Frantzia
Lehen hizkuntzafrantsesa
Hezkuntza
Hizkuntzakfrantsesa
Jarduerak
Jarduerakegile abeslaria, abeslaria, aktorea eta kantugilea
Altuera1,65 metro
InfluentziakBarbara, Jacques Brel, Édith Piaf eta Dalida
Genero artistikoachansona
DiskoetxeaCapitol Music France (en) Itzuli
Capitol Music Group
IMDB: nm12180517 Allocine: 799611
Facebook: barbarapravimusic Twitter: Babpravi Instagram: babpravi Youtube: UCAz8FWGybhfYZUMGvnROcCQ TikTok: babpravi Spotify: 3L4wiBOSDLkJ18OISXZDA8 iTunes: 1068280801 Last fm: Barbara+Pravi Musicbrainz: 65e62f84-e581-4375-a650-8f2d394b05b3 Songkick: 10148416 Discogs: 5357558 Allmusic: mn0003469736 Deezer: 9620934 Edit the value on Wikidata

Musika ibilbidea

aldatu

2015ean, Pravik bere lehen kontratua sinatu zuen Capitol Records diskoetxearekin. Ondoren, 2016ko urtarrilean, On m'appelle Heidi abestu zuen 2015ekoHeidi filmaren frantziar bertsiorako egindako abestia. 2016an Frantzian estreinatu zen film hauhaurrentzako bi nobela ezagunen moldaketa da.

2016ko azaroan, Solange Duhamelen pertsonaia izan zen Un été 44 musika ikuskizunean, Jean-Jacques Goldmanek, Charles Aznavourrek eta Maxime Le Forestierrek idatzitako abestiak kantatuz. Hari buruz, Frédéric Zeitoun abesti-idazle eta zutabegile musikalak esan zuen: «Momentu magiko bat egon zen musikal honen bukaeran, amaiera ez zen kantu bat bakarrik, requiem-a baizik. Eszenatokitik neska gazte hauskor baten ahotsak denak txunditurik utzi zituen Seulement connu de Dieu, Charles Aznavourrek sortu eta Claude Lemeslen letra zuen abestia kantatuz. [1]

2017an, bere lehen singlea, Pas grandir, kaleratu zuen eta urte berean, izen bereko lehen EPan sartu zuten.[2] Urte horretan ere, Marion Sarrautek zuzendutako eta France 2k 2019ko abenduan emandako La Sainte famille telebistarako filmean parte hartu zuen. Hauxe izan zen lortu zuen lehen aktore lana.[3]

2017ko urtearen amaieran eta 2018ko urtearen hasieran, 23 kontzertu eman zituen Florent Pagnyren 55 Tour biraren lehen zatian. Martxoaren 5ean bira horri amaiera eman zion Parisko Accor Hotels Arenan 19.000 pertsonaren aurrean eman zuen kontzertuarekin.[4]

2018. urtearen amaieran, ekoizpenaren kontrola berreskuratzeko, pop musikatik urruntzeko eta frantziar musikari zion maitasuna nabarmentzeko asmoz, hasierako lantaldea utzi eta Élodie Papillon Filleulekin hasi zen lanean.[5]

2020ko otsailean, «Reviens pour l'hiver» izeneko 5 kantuko EP berri bat kaleratu zuen. Lan honetan musikagile eta zuzendarikide izan zen.[6] Abesti horietan Stan Neff, Lili Poe, Vincha, November Ultra eta Wladimir Parienterekin elkarlanean aritu zen.

Bere abestiak sortzeaz gain, beste artista askorentzat ere idatzi du: Yannick Noah, Julie Zenatti, Chimène Badi, Jaden Smith, Florent Pagny, Louane, Angelina, besteak beste. Barbara Pravik eta Igitek elkarrekin egin dituzten haurrentzako abestiek 135 milioi bisita baino gehiago dituzte YouTuben.[7][8][9][3][10]

Bestalde aldetik, bere musikan Barbara abeslariaren eragina izan du, baita Jacques Brel, Georges Brassens, Françoise Hardy edo Louis Aragon musikariena ere.

Eurovision

aldatu

2019. eta 2020. urteetan, Eurovision Junior Kantu Jaialdian Frantzia ordezkatu zuten Bim Bam Toi eta J'imagine abestiak idatzi zituen Igitekin batera. Carla Lazzarik abestu zuen Bim Bam Toii truk bosgarren geratu zen sailkapenean, eta Valentina Tronelek abestutako J'Imaginek irabazi zuen 2020ko lehiaketa 200 punturekin; epaimahai profesionalak zein ikusleek aukeratu zuren.[11][12][13]

2020an, Eurovison abesti lehiaketan parte hartzeko eskaerei prestatuta ez sentitzeagatik Eurovision Kantuaren Jaialdirako hautagai izateko hainbat eskaera atzera bota ondoren, Eurovision France, c'est vouz qui décidez programan parte hartuko zuela argitu zen, eta bertan 2021eko Eurovision Kantuaren Jaialdirako artista frantziarra aukeratuko zutela, Igitekin batera idatzi eta konposatutako Voilà abestiarekin.[14][15] Azkenean, Frantziako ordezkaria izan zen Rotterdamen.[16] Bere emanaldiaren ondoren, André Manoukian konpositoreak esan zuen: "Hartu Edith Piafek edo Barbarak utzitako gezia, eta are urrunago bidali".[17] Azkenean, bigarren postuan geratu zen 499ko puntuazioa lortuz eta talde irabazlearengandik 25 puntuko aldearekin. Bai epaimahaiak eta bai publikoak oso arrakastaz baloratu zuten haren emanaldia. Frantziak ez zuen hain maila altua lortzen 1991tik.

2022an, berriz ere, Eurovision Juniorrerako Frantziako kantuaren konpositorea izan zen, urte horretako abenduan Erevanen Lissandrok defendatu eta Oh Maman! izenburupean. Frantziak, beste behin, garaipena lortu zuen haurren kantu jaialdian, berriz ere Praviren eskutik.

Konpromisoak

aldatu

Barbara Pravi oso presente dago indarkeria matxistaren aurkako borrokan, bera izan baita biktima, eta konpromiso sendoa du emakumeen eskubideekin, oro har.[18] Debout les femmes, Mouvement de Libération des Femmes-en ereserkia, grabatu zuen 39 emakumeko kolektibo baten barruan.[19][20] Halaber, 2018tik 2020ra, martxoaren 8an, bideo bat igo zuen, non gai musikal bat egokitzen edo sortzen zuen, emakumeen eskubideak eta autonomia sustatuz. Hala, 2018an, Prettoren Eddyren Kid abestiaren bertsio bat berridatzi zuen, eta 2019an, Orelsanen Notes pour trop tard-en bertsio femenino bat, Malamour abestiarekin nahastuta (sortutako eskubideak "La Maison des Femmes" elkarteari eman zizkioten); 2020an, berriz, izenburu sendo bat idatzi zuen, Chaorto, abusuaz hitz egiten zuena.[21][22][23]

2019an, Black M raperoak Narcissistic Pervert abestian bikotekideak tratu txarrak eman zizkion emakume baten ahotsa izatea eskatu zion. Urte berean, Emlyon Business Schoolek bere ibilbideaz hitz egitera gonbidatu zuen, eta bere buruarengan konfiantza nola aurkitu zuen azaldu zion, TEDx baten barruan.[24]

Instagramen, 2020tik, Histoires de femmes argitaratzen du aldizka, istorioan ahaztuta dauden emakume batzuk umorez nabarmentzeko (Rosemary Kennedy, Zelda Sayre-Fitzgerald, Dido Elizabeth Belle...).

Diskografia

aldatu

estudioko albuma

aldatu

Erreferentziak

aldatu
  1. ↑ Frédéric Zeitoun. (23 janvier 2018). «On encadre Barbara Pravi» france.tv.
  2. ↑ Julien Goncalves. (26 juillet 2017). «"Pas grandir" : Barbara Pravi fait le grand saut avec un titre pétillant et féministe» chartsinfrance.net.
  3. ↑ a b «Barbara Pravi» animae-talents.com.
  4. ↑ Nuc, Olivier. (2018-02-26). «Un dernier verre avec Barbara Pravi» Le Figaro.fr.
  5. ↑ Min, 6 Février 2020 | 14 H. 00. «Barbara Pravi en interview : “J’ai compris que j’avais besoin d’amour, de personnes bienveillantes”» aficia.
  6. ↑ «Barbara Pravi» France Bleu.
  7. ↑ Julien Goncalves. (12 décembre 2020). «Eurovision : Barbara Pravi impressionne avec "Voilà", une chanson bouleversante» chartsinfrance.net.
  8. ↑ «Julie Zenatti bientôt de retour dans les bacs» aficia.info 16 décembre 2020.
  9. ↑ Laetitia Reboulleau. (10 décembre 2020). «Qui est Barbara Pravi, la chanteuse féministe qui pourrait représenter la France à l'Eurovision ?» fr.news.yahoo.com.
  10. ↑ «Eurovision: Barbara Pravi, une néo-Piaf pour représenter la France» LA VDN 2021-01-31.
  11. ↑ «Carla - France - Gliwice-Silesia 2019» junioreurovision.tv.
  12. ↑ «Valentina - France - Poland 2020» junioreurovision.tv.
  13. ↑ Fabien Randanne. (29 novembre 2020). «Eurovision Junior 2020: Valentina triomphe et offre à la France sa première victoire au concours» 20minutes.fr.
  14. ↑ Sébastien Barké. (1er janvier 2021). «Eurovision France 2021 : qui est Barbara Pravi, l'interprète de "Voilà" ?» programme-tv.net.
  15. ↑ «France has started their new selection process for Eurovision 2021» Eurovision.tv 2020-12-09.
  16. ↑ «La favorita Barbara Pravi enamora y representará a Francia en Eurovisión 2021» Eurovision-Spain 30 de enero de 2020.
  17. ↑ «Eurovision: Barbara Pravi, "Voilà" la guerrière» TV5MONDE 2021-02-04.
  18. ↑ «TARATATA N°523» mytaratata.com.
  19. ↑ «L'hymne féministe du MLF, "Debout les femmes", repris par 39 musiciennes» L'Obs.
  20. ↑ «L'oeil de Molkhou du 08 novembre 2020» RTL.fr.
  21. ↑ «Barbara Pravi, la chanteuse qui ne voulait pas être une lolita» RTL.fr.
  22. ↑ Benjamin Pierret. (8 mars 2019). «Barbara Pravi dévoile une chanson puissante et féministe pour la journée pour les droits des femmes» Bfmtv.com.
  23. ↑ La rédaction. (23 mars 2020). «Barbara Pravi "Chair est ma vérité"» phenixwebtv.com.
  24. ↑ Aficia. (8 mars 2020). «Barbara Pravi en interview : "c'est à nous de faire en sorte que le 8 mars soit tous les jours"» aficia.info.

Kanpo estekak

aldatu
"https://eu.wikipedia.org/w/index.php?title=Barbara_Pravi&oldid=9978147"(e)tik eskuratuta