Ireki menu nagusia

Artikulu hau Johanna Spyriren Heidiri buruzkoa da; beste esanahietarako, ikus «Heidi (argipena)».

Heidi edo "Heidiren urteak hara-hona ikasiz" (jatorriz "Heidis Lehr- und Wanderjahre") alemanez idatzitako eleberri ezaguna eta bertan agertzen den pertsonaia nagusiaren izena da. Johanna Spyri suitzarrak argitara eman zuen 1880an. Alpeetan kokatuta dago istorioaren zati handiena, Grisonia Kantoian, egileak ondo ezaguten zuen inguruan.

Heidi
[[Irudi:Heidi Titel.jpg|]]
Jatorrizko azala
Datuak
Idazlea Johanna Spyri
Argitaratze-data 1880 eta 1880-01-01
Generoa Eleberria
Jatorrizko izenburua Heidis Lehr- und Wanderjahre
Herrialdea Suitza

Hainbat egokitzapen egin dituzte telebista, zinema eta antzerkian; 1974an Isao Takahata japoniarrak egindako marrazki bizidunetako bertsioa ezagunena da.

HariaAldatu

 
Heidi aitonarekin.

Oharra: Atal honek istorio osoa edo amaiera argitzen du.

Adelaida (Heidi izenaz ezagunagoa) neskato umezurtza da eta Dete izebarekin bizi da Maienfeld herrian. Izebak Frankfurtera lanera joan behar duenean, Heidi mendietan dagoen aitonaren etxera eraman du, aitonak haren ardura har dezan. Aitonak agure erretxinaren ospea badu ere, azkenean bien artean harreman bikaina izatea lortu dute. Aitonaz gain, paraje eder horietan beste lagun batzuk ezagutu ditu: Lanbro txakurra, Pello ahuntzaina, Elurtxo antxumea, Pitxin txoria...

Urte batzuk geroago, Dete itzuli da Heidi berarekin Frankfurtera bizitzera eramateko. Han Sessemann gizon aberatsaren etxean bizi da eta Klara, neska elnarritua, bera baino nagusiagoa, ezagutu. Harekin adiskidetasun harreman sendoa egin du, bien tutore eta irakasle Rottenmeier andere zorrotzaren begiradapean.

Azkenean, Heidi aitonarekin itzuli da, Klarak bisita egin die eta elbarritasuna sendatu zaio.

Ikus, gaineraAldatu