Arizko geltokia (Bilboko metroa)

Koordenatuak: 43° 14′ 17″ N, 2° 52′ 53″ W / 43.238185°N,2.881378°W / 43.238185; -2.881378

Ariz Bilboko metroaren 2. lineari dagokion lurpeko geltokia da, Basauri udalerriko izen bereko auzoan kokatuta dagoena. 2011ko otsailaren 28an inauguratu zen, eta Bizkaiko Garraio Partzuergoaren 2. tarifa-gunearen barruan dago.

Infobox train2.png
Ariz
Ariz metro geltokia.jpg
Arizko geltokia inaugurazio egunean.
Kokapen mapa
Lineak

« Etxebarri Símbolo del Metro de Bilbao.svg Bilboko metroaren 2. linea  Basauri »
Kokapena
Helbidea León kalea, 9; 48970
Udalerria Basauri,  Bizkaia
Geltokiaren datuak
Kodea ARZ
Gunea 2. gunea
Irekiera 2011ko otsailaren 28a
Bidaiariak 1.955.885 (2017)[3]
Irisgarria Geltoki erabilgarria [1][2]
Zerbitzuak Automated External Defibrillator (symbol).svg Aiga elevator inv.svg Pertsonaldun txarteldegia 
Nasa kopurua 2
Trenbide kopurua 2
Jabea Euskal Trenbide Sarea
Bizkaiko Garraio Partzuergoa
Eragilea(k) Metro Bilbao
Garraio zerbitzuak
Metroa L2Basauri - Kabiezes

SarbideakAldatu

Geltokiak hiru sarbide ditu, bi eskailera mekaniko bidezkoak eta hirugarrena igogailu bidezkoa.

  •   Kale Nagusia, 42 (Nagusia irteera)
  •   Valentzia kalea, 6 (Valencia irteera)
  •     León kalea, 3 (Nagusia irteera)

Gaueko sarbideakAldatu

  •   Kale Nagusia, 42 (Nagusia irteera)
  •     León kalea, 3 (Nagusia irteera)

IrisgarritasunaAldatu

Ireki zenetik irisgarritasuna guztiz bermatzen ez duen Bilboko metro sareko geltoki bakarra da, mugikortasun urriko pertsonen hainbat elkartek diotenez.[4] 2008tik Arizko auzokoen eta Ondo Mugi elkarteek Basauriko Udalari eskatu zioten geltokia martxan jartzea espero zenerako metro sarbideetarako ibilbideak behar bezala aldatzea, irisgarritasun baldintzak betetzeko asmoz. Eskakizunari FEKOOR Gutxitasun fisikoa edota organikoa duten Bizkaiko pertsonen federazioa batu zitzaion, baina erantzuna ezezkoa izan zen.[5]

Euskal Trenbide Sareak 2009an geltokiaren inguruan egindako txostenaren arabera irisgarritasuna ez dago bermatuta, geltokiko igogailura heltzeko %9 eta %13 bitarteko aldapak gainditu behar direlako.[6] Bestalde, Arartekoak ere bat egin zuen eta Basauriko Udalari eskatu zion Aragoi kalean igogailu bat eraiki zezan, metroko igogailura iristea errazteko. Hala ere, inauguratu zenetik ez zaie elkarte zein erakundeei erantzun eman.[7]

GeltokiaAldatu

Norman Fosterrek diseinatutako haitzulo motatakoa da. Bolumen handi bakar batean zulatzen den ganga itxurako galeria da, 100 metro inguru luzerakoa, eta hari zintzilikatuta bi mezzanina izeneko plataforma banatzaile daude. Mezzanina bakoitza alboko bi nasekin elkarlotzen da eskailera monumentalen eta igogailuen bidez, eta kaleko sarbideen igogailu eta eskailerekin korridore zabalen bidez. Mantenu elementuak, hala nola aireztapena, kableak, ur-hodiak eta abar nasen azpian kokatzen dira.

Geltoki hauetako arkitekturan hiru material nagusi erabili dira: hormigoia, altzairu herdoilgaitza eta beira. Azalak hormigoi ikusizkoak dira, 240 x 120 zentimetroko modulo plaka aurrefabrikatuak erabilita eta hormigoi bonbeatuzko estalduraren enkofratu galduak direnak. Mezzanina elementuen egitura altzairu herdoilgaitzezkoa da, haitzulo pisutsuaren irudia arinduz. Sarbide korridoreak hormigoizko kanoi eliptikoak dira, espazio zabalak lortuz. Kalean, kanoiak altzairu eta beirazko elementu bilakatzen dira, fosterito izenpetutako bidaiaria jasotzeko sarrera gardenak, alegia.[8]

Geltokia igogailu, txarteldegi, balioztatze makina eta 2017tik desfibrilagailuz ere hornituta dago.[9]

BidaiariakAldatu

Bizkaiko Garraio Partzuergoak urtero argitaratzen dituen bidaiarien datuen arabera, geltokiak hurrengo bidaiari kopuruak zenbatzen ditu:[10]

Arizko geltokiko bidaiari kopuruaren bilakaera 2011-2017 (milioi bidaiari)

ErreferentziakAldatu

  1. (Gaztelaniaz) Deia. «Personas con Movilidad Reducida de Basauri denuncian que siguen "sin acceso" al metro pese a la nueva estación de Ariz» . Noiz kontsultatua: 2013-08-25.
  2. (Gaztelaniaz) Federación Coordinadora de Personas con Discapacidad Física de Bizkaia FEKOOR. «Basauri reclama poder acceder a la nueva estación de metro de Ariz» . Noiz kontsultatua: 2013-08-25.
  3. Bizkaiko Garraio Partzuergoa. «2017ko Bizkaiko Garraio Publikoari buruzko txostena», 38 or. . Noiz kontsultatua: 2018-10-02.
  4. (Gaztelaniaz) El Correo. «Nueva petición de mejoras en la accesibilidad a la futura estación de metro de Ariz» . Noiz kontsultatua: 2013-08-25.
  5. (Gaztelaniaz) EFE. «Denuncian la falta de accesibilidad de la estación del metro de Basauri» . Noiz kontsultatua: 2013-08-25.
  6. (Gaztelaniaz) Deia. «Personas con Movilidad Reducida de Basauri denuncian que siguen "sin acceso" al metro pese a la nueva estación de Ariz» . Noiz kontsultatua: 2013-08-25.
  7. (Gaztelaniaz) Federación Coordinadora de Personas con Discapacidad Física de Bizkaia FEKOOR. «Basauri reclama poder acceder a la nueva estación de metro de Ariz» . Noiz kontsultatua: 2013-08-25.
  8. «Bisitatzeko geltokiak | Metro Bilbao» www.metrobilbao.eus . Noiz kontsultatua: 2018-06-18.
  9. (Gaztelaniaz) «Metro Bilbao cuenta con desfibriladores en las 41 estaciones de la red. Deia, Noticias de Bizkaia» Deia . Noiz kontsultatua: 2018-06-18.
  10. Bizkaiko Garraio Partzuergoa. «Garraio publikoari buruzko txostenak» . Noiz kontsultatua: 2018-10-02.

Ikus, gaineraAldatu

Kanpo estekakAldatu

Euskarazko Wikipedian bada atari bat, gai hau duena:
Euskal Wikiatlasa