Metro Bilbao

Metro Bilbao S.A.
Mota	Enpresa publikoa
Sektorea	Metro (garraiobidea)
Sorrera	1993ko otsailaren 18a
Sortzailea	Euskal Trenbide Sarea eta Bizkaiko Garraio Partzuergoa
Egoitza	Nafarroa Kalea, 2; 48001 Bilbo
Presidentea	Jose Luis Bilbao Eguren
Merkatuak	Bilboaldea eta Uribe Kosta
Webgunea	http://www.metrobilbao.eus

Metro Bilbao S.A. Bilboko metroa kudeatzeko Bizkaiko Garraio Partzuergoak eratutako sozietate anonimoa da. Bilboko metroa kudeatu eta ustiatzeko beharrezkoak diren zerbitzuak bere gain hartzen ditu. 1993ko otsailaren 18an eratu zen, eta 1992ko azaroaren 12an BGPak egindako bilkuran onartu ziren Estatutuek arautzen dute.

Artikulu hau Metro Bilbao S.A. enpresari buruzkoa da; beste esanahietarako, ikus «Bilboko metroa».

Gaur egun, Metro Bilbao S.A. k Bilboko metroaren 1. eta 2. lineak ustiatzen ditu. Bestalde, Euskotrenek Metro sareko 3. linea ustiatzen du. Proiektuan dauden lineei dagokienez, 4. linea Euskotrenek eta 5. linea Metro Bilbao S.A.k ustiatuko omen dituzte.

Administrazio Kontseilua

Administrazio Kontseilua enpresaren administrazio-organoa da, eta hurrengoez osatuta dago:^[1]

Presidentea

Jose Luis Bilbao Eguren, Bizkaiko Ahaldun Nagusia.

Presidenteordea

Antonio Aiz Salazar, Eusko Trenbideak sozietatearen presidentea.

Kontseilariak

Ibon María Areso Mendiguren, Bilboko alkatea.
Itziar Garamendi Landa, Foru Aldundiko Herri Lan eta Garraio saileko ahalduna.
Pedro María Hernando Arranz, Eusko Jaurlaritzako Ekonomia eta Aurrekontu sabilburuordea.
Miren Izaskun Iriarte Irureta, Eusko Jaurlaritzako Administrazio eta Lurralde Plangintzaren sailburuordea.
Ricardo Ituarte Azpiazu, Santurtziko alkatea.
Imanol Landa Jauregi, Getxoko alkatea.
Manuel Leza Olaizola, Eusko Jaurlaritzako Garraio Plangintzaren zuzendaria.
María Almudena Ruiz de Angulo del Campo, Eusko Jaurlaritzako Garraio Azpiegituren zuzendaria.

Idazkari ez kontseilaria

Imanol Bilbao Eizagirre, Bizkaiko Garraio Partzuergoko idazkari nagusia.

Egoitzak

Egoitza nagusia

Metro Bilbao S.A.ren egoitza nagusia Bilboko Metroaren egoitza da, Bilboko Nafarroa kaleko 2. zenbakian kokatuta dagoena. Egoitza honetan Aginte Mahai Nagusia (PMC siglez ezaguna) dago, non Metro sarearen funtzionamendua zuzendu, kontrolatu eta gainbegiratzen den. Aginte Mahai Nagusia uholde, sabotai eta istripuetatik babesteko neurriez hornituta dago.^[2] Bestalde, Arizko kotxetegietan Aginte Mahai Erredundantea eraikitzen ari da, 2019ko amaieran martxan jarriko dena.^[3]

Bezeroei arreta egiteko bulegoak

2017ko azaroaren 7an Bizkaiko Garraio Partzuergoak hamaika Bezeroen Arretarako Bulego integral jarri zituen martxan. Metro Bilbao S.A.k kudeatutakoak hurrengoak dira:^[4]