Arabazozo pikart
Arabazozo pikarta (Sturnus vulgaris) sturnidae familiako hegazti paseriformea da, Eurasia eta mendebaldeko Asiako eskualde epeletan bizi dena.[1] Batez ere Europa erdi eta iparraldean kumatzen duen espeziea da. Euskal Herria haren dstribuzio-eremuaren muga da. Populazioa neguan ugaritu egiten da, Europatik jaisten diren hegaztien etorrerarekin. Oro har, Euskal Herriko kostaldeko lurraldeetan arruntagoa da Araba-Nafarroan baino. Aldiz, Araba-Nafarroan arabazozo beltza (Sturnus unicolor) rruntagoa da.[2]
| Arabazozo pikart | |
|---|---|
 | |
| Iraute egoera | |
 Arrisku txikia (IUCN 3.1) | |
| Sailkapen zientifikoa | |
| Erreinua | Animalia |
| Filuma | Chordata |
| Klasea | Aves |
| Ordena | Passeriformes |
| Familia | Sturnidae |
| Generoa | Sturnus |
| Espeziea | Sturnus vulgaris |
| Banaketa mapa | |
 | |
| Datu orokorrak | |
| Elikadura iturri nagusia | Artropodoa, nektarra, fruitua, alea, Hazia, Lacertidaea, anfibioa, Ornogabea, Barraskiloa, Zizarea, inurria, Vespa, Apisa, Symphyta, kakalardoa, eulia, Trichoptera, Chrysopa intima, Dermaptera, Matxinsaltoa, Calopteryxa, Odonata, Ephemeroptera, Tineola bisselliella, Tipulidaea eta Armiarma |
| Zabalera | 0,38 m |
| Kumaldiaren tamaina | 2 |
| Eguneko zikloa | eguneko |
Orban argiz apaindutako lumaje beltz diztiratsua eta moko horia izaten ditu ugal-sasoian. Hortik kanpo beltzagoa da, mokoa ere bai. Ornodun txiak eta fruituak jaten ditu eta habia zuhaitzetako zuloetan egiten du. Lehen neguan bakarrik azaltzen zen Euskal Herrian, baina egun oso zabalduta dago.[3] Talde oso handietan ibiltzen dira, baita hirietako zuhaitzetan ere: antzemateko oso erraza da, sortzen duten zalapartarengatik (txalo eginez gero, denak batera berehala isiltzen dira, baina segundo batez), zuhaitzen azpian sortzen den zirin-alfonbrarengatik, edo denak elkarrekin hegan egiten osatzen dituzten hodei itxurako taldeengatik.
Taxonomia aldatu
Arabazozo pikartak hainbat azpiespezie ditu[4]:
- Sturnus vulgaris vulgaris (Linnaeus, 1758)
- Sturnus vulgaris faroensis (Feilden, 1872)
- Sturnus vulgaris zetlandicus (Hartert, 1918)
- Sturnus vulgaris granti (Hartert, 1903)
- Sturnus vulgaris poltaratskyi (Finsch, 1878)
- Sturnus vulgaris tauricus (Buturlin, 1904)
- Sturnus vulgaris purpurascens (Gould, 1868)
- Sturnus vulgaris caucasicus (Lorenz, 1887)
- Sturnus vulgaris porphyronotus (Sharpe, 1888)
- Sturnus vulgaris nobilior (Hume, 1879)
- Sturnus vulgaris humii (Brooks, 1876)
- Sturnus vulgaris minor (Hume, 1873)
Beste izen batzuk aldatu
Anitz izen ditu euskaraz: arabazozo, artxipote, artxoxo, auseta, behor-txori, dorrezozo, gaztelazozo, haragi-zozo, kanpozozo, kastillazozo, larzozo, naparzozo, tordantxa, tordokanpanario.[2]
Erreferentziak aldatu
- ↑ BirdLife International (2004). Sturnus vulgaris. 2006. IUCN Red List of Threatened Species. IUCN 2006
- ↑ a b Araba zozo pikarta. Txoriak.eus (Noiz kontsultatua: 2017-08-25).
- ↑ Larrañaga, Jon. (1996). Euskal Herriko fauna (ornodun lehortarrak). Elhuyar, 212 or. ISBN 84-87114-09-1..
- ↑ Snow, D. W., Perrins, C. M., Doherty, P., & Cramp, S. (1998). The complete birds of the western Palaearctic on CD-ROM. Oxford University Press. ISBN 0-19-268579-1.
-
Talde handia hegan -
Kumeak elikatzen
|
Artikulu hau animaliei buruzko zirriborroa da. Wikipedia lagun dezakezu edukia osatuz. |
Datuak: Q25469
Multimedia: Sturnus vulgaris / Q25469
Espezieak: Sturnus vulgaris
