Antonio Gala
Antonio Gala Velasco (Brazatortas, Ciudad Real, Espainia, 1930eko urriaren 2a - Kordoba, 2023ko maiatzaren 28a) idazle espainiarra izan zen.
.jpg)
.svg){kind=small}
.png)
Bizitza aldatu
Zuzenbidean lizentziatu zen Sevillako Unibertsitatean, bai eta Zientzia Politiko eta Ekonomikoetan ere, Madrilgoan.
Obra aldatu
Hasierako urteetan antzerkian eta poesian aritu izan zen batez ere, baina gero eleberriak eta egunkarietako artikuluak idazteari ere ekin zion.
Hauek dira haren antzerki-lan nagusiak: Noviembre y un poco de hierba (1967, Azaroa eta belar pixka bat); Anillos para una dama (1973, Eraztunak dama batentzat), Galaren lanik gogoangarriena; Las cítaras colgadas de los árboles (1974); Petra Regalada (1980); El cementerio de los pájaros (1982, Txorien hilerria), La truhana (1992) eta Los bellos durmientes (1994, Loti ederrak).
Lehen eleberria, El manuscrito carmesí (Idatzi karmesia), 1990ean argitaratu zuen, eta Planeta saria irabazi zuen harekin. Hurrengo eleberriak ere, La pasión turca (1993, Turkiar grina) ere arrakasta handia izan zuen, eta areago Vicente Aranda zuzendariak zinemara eraman zuenean. Aipagarriak dira, orobat, Más allá del jardín (1995, Lorategiaz haraindi) eta La regla de tres (1996, Hiruko erregela).
1997an Poesías de amor (Maitasunezko olerkiak) olerki-bilduma argitaratu zuen, eta hurrengo urtean El corazón tardío (Bihotz beranta) ipuin-bilduma.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo-loturak aldatu
Wikimedia Commonsen badira fitxategi gehiago, gai hau dutenak: Antonio Gala  |
- (Gaztelaniaz) Antonio Galaren webgune ofiziala
Datuak: Q3750903
Multimedia: Antonio Gala / Q3750903
