Anja Niedringhaus
Anja Niedringhaus (Höxter, Ipar Renania-Westfalia, 1965eko urriaren 12a – Afganistan, 2014ko apirilaren 4a) fotokazetari alemaniarra zen.
| Anja Niedringhaus | |
|---|---|
| Bizitza | |
| Jaiotza | Höxter, 1965eko urriaren 12a |
| Herrialdea |  Alemania |
| Heriotza | Khost, 2014ko apirilaren 4a (48 urte) |
| Hezkuntza | |
| Heziketa | Harvard Unibertsitatea |
| Hizkuntzak | alemana |
| Jarduerak | |
| Jarduerak | argazkilaria, kazetaria eta fotokazetaria |
| Lantokia(k) | Geneva |
| Enplegatzailea(k) | Associated Press European Pressphoto Agency (en)  |
| Jasotako sariak | ikusi
|
   | |
Pulitzer saria jaso zuen 2005ean. Associated Press (AP) prentsa-agentziarentzat egin zuen lan batez ere.
Biografia
aldatuAnja Niedringhaus Höxter-en jaio zen, Ipar Renania-Westfalian. 17 urte zituela hasi zen lanean argazkilari independente gisa, artean lizeoan zegoela.
1989an, Berlingo harresiaren erorketaren berri eman zuen Götttinger Tageblatt egunkarirako.
1990ean, lanaldi osoan hasi zen lanean Frankfurteko European Pressphoto Agency (EPA) agentziako argazkilari gisa. EPAko argazkilari nagusi gisa, bere karrerako lehen hamar urteak igaro zituen Jugoslaviako gerren berri ematen.[1]
2001ean, Niedringhausek irailaren 11ren osteko New Yorken argazkiak atera ondoren, Afganistanera abiatu zen. Han, Talibanen erorketa dokumentatu zuen hiru hilabetez.[1]
2002an, Associated Press agentziarentzat aritu zen, eta Iraken, Afganistanen, Gazako zerrendan, Israelen, Kuwaiten eta Turkian izan zen.[2]
2005ean, Irakeko Gerraren berri emateagatik unekotasuneko argazkilaritzaren Pulitzer saria jaso zuen kazetari-talde bateko emakume bakarra izan zen. Halaber, International Women's Media Foundation fundazioak urte bereko urriaren 23an emandako Kuraia Saria jaso zuen.[2][3][1]
2007an, Niedringhaus-ek Harvard Unibertsitateko Nieman beka jaso zuen.[2] Bertan, Ekialde Hurbileko kultura, historia, erlijioa eta generoaren gaia aztertu zituen, baita horiek Estatu Batuetan eta Mendebaldeko herrialdeetan atzerriko politiken garapenean duten eragina ere.[4] Nieman programa, 1938an sortua, munduko kazetariei eskaintzen zaien karrera-erdiko ikasketa-beka zaharrena da.
Niedringhaus 2014ko apirilaren 4an erahil zuten, Afganistango lehendakaritzarako hauteskundeen berri ematen ari zela. Haren lankide Kathy Grannon, berriz, larri zauritu zuten erasoan. Tani barrutian, Khost inguruan, kontrol-postu batean izan zen erasoa. Bozka-txartelak zabaltzeko ardura zuen Hauteskunde Batzorde Independenteko konboi batean zihoazen kazetariak, Afganistango armadaren eta poliziaren babespean.[5] Niedringhaus eta Grannon autoan zain zeudela, polizia afganistandarreko Naqibullah izeneko komandante bat beraiengana hurbildu eta tirokatu egin zituen Allahu Akbar-i oihukatuz.[6] Gizona erasoaren ondoren errenditu zen, eta atxilotu egin zuten.[2][7] Kabulgo Auzitegiko sei epailek Naqibullah hilketa eta traizioaren errudun deklaratu zuten, eta heriotza-zigorra ezarri zioten.
Niedringhaus-en lana Frankfurteko Arte Modernoaren Museoan eta munduko beste museo eta arte-galeria batzuetan erakutsi zen, besteak beste, Grazen, Austrian.[8]
2022an, bere lana ere aurkeztu zuten musée de la Libération de Paris - musée du Général Leclerc - musée Jean-Moulin museoetan antolatutako Femmes photographes de guerre erakusketaren karietara, Parisen.[9]
Omenaldia eta ondorengoak
aldatuAnja Niedringhaus Courage in Photojournalism Award
aldatuAnja Niedringhaus Courage in Photojournalism Award sariak emakume fotokazetarien kuraia saritzen du.[10]
Sari hori International Women's Media Foundation-ek sortu zuen 2014an, Howard G. Buffett fundazioaren milioi bat dolarreko dohaintzari esker, saria urtero ematen zaio “bere lanak kuraia eta dedikazioa islatzen dituen emakume fotokazetari bati, Anjak egiten zuen bezala”. Sariduna publikoki ohoratzen dute, bere lana ikusgai ezartzen dute erakusketa batean, eta 20.000 dolarreko saria jasotzen du dirutan.[10]
Emakume sarituak
aldatu- 2015: Heidi Levine[11]
- 2016: Adriane Ohanesian[12]
- 2017: Stephanie Sinclair[13]
- 2018: Andrea Bruce[14]
- 2019: Eloisa Lopes[15]
- 2020: Masrat Zahra[16]
- 2021: Fatima Shbair[17]
- 2022: Paula Bronstein, Farzana Wahidy eta Carol Guzy[18]
- 2023: Laurence Geai[19]
Erreferentziak
aldatu- ↑ a b c Anja Niedringhaus | 2005 Courage in Journalism Award | International Women's Media Foundation (IWMF). .
- ↑ a b c d «Kathy Gannon, Canadian-born journalist, wounded in Afghanistan, colleague, photographer Anja Niedringhaus, killed» National Post 4 avril 2014.
- ↑ The 2005 Pulitzer Prize Winner in Breaking News Photography. .
- ↑ Class of 2007 - Nieman Foundation. .
- ↑ «Two foreign journalists shot in Afghanistan, one dead» ABC News 2014-04-04.
- ↑ Veteran AP Photographer Killed by Afghan Policeman Who Opened Fire on Her Vehicle. 2014-04-04.
- ↑ Rob Crilly et Zubair Babakarkhail. (4 avril 2014). «Afghan elections: two foreign journalists shot on eve of polls» Telegraph.co.uk.
- ↑ M_ARS - Kunst und Krieg, Bilder, Neue Galerie Graz Austria, 2003. .
- ↑ Exposition / Femmes photographes de guerre. 8 mars 2022..
- ↑ a b Anja Niedringhaus Courage In Photojournalism Award - IWMF. .
- ↑ Heidi Levine - IWMF. .
- ↑ Adriane Ohanesian - IWMF. .
- ↑ Stephanie Sinclair - IWMF. .
- ↑ Andrea Bruce - IWMF. .
- ↑ Eloisa Lopez - IWMF. .
- ↑ Masrat Zahra - IWMF. .
- ↑ Palestinian Journalist Fatima Shbair Receives IWMF 2021 Anja Niedringhaus Courage in Photojournalism Award. September 29, 2021.
- ↑ 2022 Anja Niedringhaus Honorees - IWMF. .
- ↑ Anja Niedringhaus Courage In Photojournalism Award - IWMF. .
Ikus, gainera
aldatuKanpo estekak
aldatu
Datuak: Q108638
