Witwatersrand

Witwatersrand (afrikaansez: Witwatersrand, euskaraz: «ur zurien mendia»), Rand ere deitua, Hegoafrikako ipar-ekialdeko mendilerroa da, Gauteng probintzia mendebalde-ekialde norabidean zeharkatzen duena. 100 kilometro luze da eta 20 kilometro zabal.

Witwatersrand
Datu orokorrak
Garaiera	1.913 m
Mota	mendikate
Luzera	56 km
Zabalera	10 km
Geografia
Koordenatuak	26°12′13″S 28°02′43″E
UTC ordua	UTC+02:00
Estatu burujabe	Hegoafrika
Hegoafrikako probintzia	Gauteng
Geologia
Material nagusia	arroka sedimentario kuartzita Konglomeratu till (en) shale (en)
Garaia	Eoi arkaiko

Geografia

Batetik Ozeano Atlantikora isurtzen diren Vaal eta Orange, eta bestetik Indiako ozeanoan ahoa duen Limpopo ibaien banalerroa da. Tokiko kliman eragin nabarmena du, haizealde-haizebe efektua sortzen baitu; hori dela eta, Johannesburgeko iparraldeko aldiriak hezeagoak dira hegoaldekoak baino.

Witwatersrand eta Rand izenekin ezagutzen da Johannesburg Handiko Metropoli Eremua ere, Randfontein eta Carletonvilletik Springseraino hedatzen dena. East Rand, West Rand eta Sowetoko eremu zabalak ere hartzen ditu.

Ekonomia

Bertan daude munduko urre hobirik handienak. Izan ere, Witwatersrand izan da noizbait lurretik ateratako urre guztiaren  %40aren iturria. Halaber, uranio, platino, harrikatz eta fosfato hobiak ere oparoak dira. Mineral ugaritasun horregatik, Rand izena eman zitzaion Hegoafrikako txanponari 1961ean.

Johannesburg, Germiston, Benoni, Springs eta Roodepoort hirietan metalurgia sare zabala osatu zen mineralok lantzeko.

Kanpo estekak

• Datuak: Q587808
• Multimedia: Witwatersrand / Q587808

Artikulu hau Hegoafrikako geografiari buruzko zirriborroa da. Wikipedia lagun dezakezu edukia osatuz.