US Nafarroa

Union Sportive Nafarroa
Hiria	Donibane Garazi eta Baigorri; Nafarroa Beherea, EH
Sorrera	2003
Kirol zelaia	Adolphe Jauregi eta; Baigorriko Udal Zelaia
Presidentea	Alain Fariscot; Jacques Sallagoïty
Liga	Fédérale 1
2022-23	8.a
Webgunea	www.usnafarroa.fr

	Etxeko koloreak

US Nafarroa edo Union Sportive Nafarroa Garazi eta Baigorri aldeko errugbi taldea da. Kolore gorriz eta horiz jokatzen dute.

Partidak Donibane Garaziko Adolphe Jauregi eta Baigorriko udal estadioetan jokatzen dituzte. Egun Fédérale 1 mailan dabilen taldea 2006^[1] eta 2018an^[2] maila horretako Frantziako txapelduna izan zen.

Historia

2003an US Garazi eta US Baigorri errugbi taldeak batu ziren eta kluba sortu zuten.

US Garazi

Union Sportive Garazi Donibane Garaziko errugbi taldea izan zen. 1963an sortua, US Garazik urte hartan Frantziako txapelduna izan zen Stade Montois taldearen koloreak aukeratu zituen, horia eta beltza hain zuzen ere. Bere palmaresean Balandrade mailako Frantziako txapelketa eta 1993an Lehenengo Mailarako igoera bat ditu. Frantziako txapelketa 1975eko maiatzaren 25ean Mazameten Rives-Renage taldearen aurka lortu zuen.

US Baigorri

Union Sportive Baigorri Baigorriko errugbi taldea izan zen. 1971ko irailean US Garazi taldean ibilitako jokalari batzuek sortu zuten, Urepele eta Bidarrai arteko eskualdekoak zirenak, 1972/1973 denboraldian Côte Basque-Landes Txapelketa lortu eta epeka-epeka mailaz igo zuen 1991/1992an lehenengo mailara igo arte.

Taldeak

Sei talde ditu guztira:

Fédérale 2
Fédérale B
Juniors Reichel 2
Juniors Balandrade
Cadets A
Cadets B

Palmaresa

Seniors A

Fédérale 2 mailako Frantziako txapelduna 2005/2006 denboraldian.

Cadets A

Teulière mailako Frantziako txapelduna 2007/2008 denboraldian.
Teulière mailako Frantziako txapelduna 2006/2007 denboraldian.
Teulière mailako Akitaniako txapelduna 2006/2007 denboraldian.

Azken urteak

Urtea	Maila	Emaitza
2004-05	Fédérale 1	fase erregularra, 10.a (jeitsi)
2005-06	Fédérale 2	igoera fasea, 1.a (igo)
2006-07	Fédérale 1	fase erregularra, 5.a
2007-08	Fédérale 1	fase erregularra, 7.a
2008-09	Fédérale 2	igoera fasea, 1/32
2009-10	Fédérale 2	fase erregularra, 10.a
2010-11	Fédérale 2	fase erregularra, 12.a (jeitsi)
2011-12	Fédérale 3	?
2012-13	Fédérale 3	? (igo)
2013-14	Fédérale 2	igoera fasea, 1/16
2014-15	Fédérale 2	igoera fasea, 1/16
2015-16	Fédérale 2	igoera fasea, 1/16
2016-17	Fédérale 2	igoera fasea, 1/16
2017-18	Fédérale 2	igoera fasea, 1.a (igo)
2018-19	Fédérale 1	fase erregularra, 12.a
2019-20 2020-21	Fédérale 1	bertan behera
2021-22	Fédérale 1	fase erregularra, 12.a
2022-23	Fédérale 1	fase erregularra, 8.a