Tirinto

Mizenas eta Tirinto Arkeologia Guneak1 UNESCOren gizateriaren ondarea
Tirintoko akropolia
Mota	Kulturala
Irizpideak	i, ii, iii, iv, vi
Erreferentzia	941
Kokalekua	Grezia
Eskualdea2	Europa eta Ipar Amerika
Izen ematea	1999 (XXIII. bilkura)
1 UNESCOk jarritako izen ofiziala (euskaratua) 2 UNESCOren sailkapena

Tirinto (antzinako grezieraz Τίρυνς eta gaur egungo grezieraz Τίρυνθα) mizenastar aztarnategi arkeologiko bat da, Argolidako nomos greziarrean, Peloponesoko penintsulan, Naupliatik kilometro batzuk iparraldera.

Tirintoko oinplanoa

Tirinto, muino baten gainean zegoen gotorleku bat izan zen, duela zazpi mila urte baino gehiago okupatua izan zena, Brontze Aroaren hasieratik. Bere gorengo maila K.a. 1400 eta K.a. 1200 artean lortu zuen. Bere elementu nabarmenenak bere jauregia, tunelak eta harresi erraldoiak izan ziren, batez ere azken hauek, hiriari, Tirinto harresi handiena homeroar epitetoa eman baitzioten. Antzinatean, hiria Herkulesi buruzko mitologiarekin lotu zen. Iturri batzuek hemen kokatzen dute heroiaren jaiolekua.

Tirintoko jauregiaren megaron ospetsuak, atondo zabal bat du, gela nagusia, non, eskuineko hormaren hondoan tronua egon zen, eta erdialdean tximinia bat ere bazuen, zurezko lau zutaberekin inguratua, mizenastar estilokoak, sabaiarentzako euskarri bezala balio zutenak.

Tokia gainbehera etorri zen zibilizazio mizenastarraren amaierarekin batera, eta erabat ahaztua geratu zen denboraren igaroan. Pausaniasek K.a. II. mendean bisitatu zuen. Heinrich Schliemannek industu zuen 1884-1885ean, eta gaur egun, gaur egungo indusketak egiten dira bertan.

Tirinto, Gizateriaren Ondarearen Paisaia Kultural bezala izendatua izan zen 1999an. Tokiko bisitariek kokapenaren tokirik garaiena asfaltatua izan dela ikus dezakete, neurri batean, gotorleku itxura emanez, eta beste neurri batean, heliportu itxura.

Ikus, gainera

• Zibilizazio mizenastarra
• Arkitektura mizenastarra

Kanpo estekak

• Datuak: Q217379
• Multimedia: Tiryns / Q217379