Peloponeso

Peloponeso edo Morea (grezieraz: Πελοπόννησος, Pelopónnēsos) Greziako penintsula da, Korintoko istmoak lotuta (nahiz eta orain Korintoko ubideak kontinentetik banatu).

Peloponeso
Datu orokorrak
Garaiera	2.407 m
Azalera	22.200 km²
Geografia
Koordenatuak	37° 20′ 59″ N, 22° 21′ 08″ E
Herrialdea	Grezia
Lurraldea	Grezia
Ur-gorputza	Mediterraneoa
Hidrografia

Eduki-taula

Izena

Pelope heroiak eskualdea konkistatu zuenean bere izena eman zion, izan ere 'Pelopeko uhartea' esan nahi du, nahiz eta 1893an Korintoko ubidea eraiki baino lehen penintsula izan. Erdi Aroan, 'Morea' izendatu zuten, masustondoren hostoaren itxura duelako.

Geografia

Penintsula menditsua da oso, Pindoko mendilerroaren zatia delako. Mendi nagusiak ipar-mendebaldean Olono (2.223 m), ipar-ekialdean Kyllini (2.376 m), erdialdean Megalo (1.980 m) eta hego-ekialdean Argolida, Parnon (1.935 m) eta Taigeto (2.404 m) dira, artean Argos, Esparta edo Kalamatako haranak daudela. Kostaldean Nafplia, Lakonia eta Meseniako golkoak ditu.

Banaketa administratiboa

Peloponeso hiru periferia ditu bere barnean, nagusiena izen bera duena. Periferia hau bost prefekturatan (nomoi) azpibanatua dago:

• Arkadia
• Argolida
• Korinto (Korinzias)
• Lakonia
• Mesenia

Akaia eta Elideko prefekturak ere penintsulan daude baina Mendebaldeko Grezian daude. Gainera, Argolidaren zati bat Atika barnean dago.

Hiriak

Peloponesoko hiri nagusiak (2001eko erroldaren arabera) honako hauek dira:

• Patras (169.242 biztanle)
• Kalamata (54.065 biztanle)
• Korinto (30.434 biztanle)
• Tripoli (28.976 biztanle)
• Argos (25.068 biztanle)
• Pirgos (24.765 biztanle)
• Aigion (21.966 biztanle)
• Esparta (16.473 biztanle)
• Nauplio (13.124 biztanle)

Erreferentziak

Wikimedia Commonsen badira fitxategi gehiago, gai hau dutenak: Peloponeso