Ireki menu nagusia
Metroak 2012ko abenduan zuen ibilbidearen mapa.
Linea biribileko trena (4. linea).

Shanghaiko metroa (txinera sinplifikatuz: 上海轨道交通, pinyineraz: Shànghǎi Gǔidào Jiāotōng), Shanghai eta inguruko gune metropolitarraren lur azpiko edo gaineko garraiobidea da. Metroa 1993eko maiatzaren 28ean zabaldu zen eta ordutik etengabe hazi da zabaldutako linea berriekin.

Burdinbideak 1.435mm zabalera dauka eta lineak Shanghai Shentong Metro Group taldearen jabetzakoak diren lau enpresek kudeatzen dituzte.

HistoriaAldatu

Metroa eraikitzeko lanak 1993an hasi ziren eta bi urte beranduago inauguratu zen. Shanghaiko metroa Txinako Herri Errepublikako hirugarren metroa izan zen Beijing eta Tianjin hirietako metroen atzetik.

LineakAldatu

2008ko abenduaren 28an 9. lineako Yishan geltokia zabaldu zen eta. 2009ko uztailaren 5ean Pujiang Herrirako metroaren zortzigarren linearen luzapena inauguratu zen. Ordura arte, Pujiango biztanleek bi ordu ematen zituzten autobusean, Shanghai erdigunera heltzeko, baina metroaren zabaltzearekin batera, bidaia denbora 36 minutura murriztu zen.

2009ko abenduaren 5ean, zazpigarren linea zabaldu zen[1] eta urtearen amaierarako zabalduko zen 11. linearen bigarren tartearen inaugurazioa 2010. urtearen hasierara arte berandutu zen.

Gaur egun metro sarea hamabost lineak osatzen dute:

SHANGHAIKO METROA
Linea Ibilbidea Luzera (km) Geltokiak Zabaltze data Azken luzapena Maiztasuna (min)
1 Fujin Lu - Xinzhuang 36,4 28 1995 2007 2'45 / 5'30
2 Xujing ekialdea - Guanglan kalea 63,8 29 1999 2010 3'
3 Shanghai Hegoaldeko Geltokia – Iparreko Jianyang Lu 40,3 29 2000 2006 5 / 16'30
4 Linea Biribila 33,7 26 2005 2007 5'30
5 Xinzhuang - Minhang 17,2 11 2003 2003 4'30
6 Gangcheng Lu – Jiyang Lu 32,3 28 2007 2011 6'30 / 13'
7 Shanghai Unibertsitatea - Huamu kalea 44,2 32 2009 2010 6'
8 Yaohua Lu – Shiguang Lu - Pujiang Herria 37,4 28 2007 2011 4' / 12'
9 Yishan Lu – Erdialdeko Yanggao kalea 52,1 26 2007 2012 6'
10 Jiangwan herri berria - Hangzhong kalea 35,4 31 2010 2010
11 Jiading iparraldea/Huaqiao - Luoshan kalea 72,0 34 2009 2013 9'30
12 Tiantong kalea - Jinhai kalea 19,0 15 2013
13 Jinyun Lu - Jinshajiang Lu 8,3 6 2012
16 Luoshan kalea - Dishui lakua 51,9 11 2013
22 Shanghainan - Jinshanwei 56,4 8 2012

EstatistikakAldatu

Shanghaiko metroa 3,58 milioi pertsonak erabiltzen dute egunero. Erabilera handieneko egunetako bat 2008ko abenduaren 31 izan zen. Egun hartan 4,307 milioi pertsonek erabili zuten metroa[2].

Urtebete beranduago, 2009ko abenduaren 31an, hirian 60 kilometro metro inauguratzen ziren bitartean, 5,27 milioi pertsonak erabili zuten metroa.

2010eko apirilaren 2an 5,60 milioi pertsonek erabili zuten[3], errekord berria hautsiz. 2010eko Shanghaiko nazioarteko erakusketa ospatu bitartean, bost milioi bidaiari baino gehiago espero dira egunero.

Etorkizuneko egitasmoakAldatu

 
2012tik 2014ra zabalduko diren tarteak.

Metro gaztea den arren, Shanghaiko metroa luzatzeko egitasmoak ugariak dira. 2010ean hiriak ospatu behar duen nazioarteko erakusketa dela eta, linea berriak zabaltzea aurrikusten da. 2020. urterako, Shanghaiko metroak 22 linea eta 800 kilometroko sarea izatea espero da.

2012anAldatu

2012an ondorengo metro tarteak zabalduko dira:

  • 6. linea: Lingyang kalea - Jiyang kalea tartea.
  • 11. linea: Jiangsu kalea - Jiangsu kalea - Luoshan kalea tartea (21 kilometro eta 13 geltoki).
  • 12. linea: Qixin kalea - Jinsui kalea tartea (40,4 kilometro eta 31 geltoki)
  • 13. linea: Linearen lehen fasea Huajiang kalea - Nanjing kalea bitartean (15,9 kilometro eta 15 geltoki).
  • 21. linea: Linea berria zabalduko da Longyang kalea - Lingang hiri berria tartean (52 kilometro eta 9 geltoki).

LotuneakAldatu

ArgazkiakAldatu

ErreferentziakAldatu

Ikus, gaineraAldatu

Kanpo loturakAldatu