Ireki menu nagusia

Putxeta ADIFek Abanto-Zierbena udalerriko izen bereko auzoan duen lurgaineko tren geltokia da. Renfe Operadora eragileak ustiatzen du, Bilboko Renfe Aldirien C-2 lineari dagokiola. 1890eko uztailaren 26an inauguratu zen eta Renfeko Aldirien sareko 1. tarifa-guneari dagokio.

Infobox train2.png
Putxeta
Irudi gabe eraikina.svg
Kokapen mapa
Lineak

« Muskiz Cercanias Logo.svg C-2 green.svg  Gallarta »
Kokapena
Helbidea Putxeta auzoa, 17; 48540
Udalerria Abanto-Zierbena,  Bizkaia
Geltokiaren datuak
Kodea 13505
Gunea 1. gunea
Irekiera 1890eko uztailaren 26a
Irisgarria Geltoki ez irisgarria 
Zerbitzuak Aparkalekua 
Nasa kopurua 2
Trenbide kopurua 2
Jabea ADIF
Eragilea(k) Renfe Operadora
Garraio zerbitzuak
Renfe Aldiriak C-2  Bilbo-Abando - Muskiz

KokapenaAldatu

Geralekua, itsas mailatik 59 metrora, zabalera iberiarra duen 722. linearen (Muskiz - Desertu-Barakaldo trenbidea) parte da, 10,5. puntu kilometrikoan kokatzen dela.[1]

SarbideakAldatu

Sarbide bakarra du, arrapala bidezkoa.

  •     Putxeta auzoa, 17

IrisgarritasunaAldatu

Nahiz eta sarbidea erabilgarria izan, nasa eta trenaren arteko tartea eta nasen arteko ibilbidea dela eta geltokiaren erabilera ez da irisgarria. Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu», «Burdinbide zerbitzuen eragileak ez dio Mugikortasun Urriko Pertsona erabiltzaileari bermatzen ibilgailutik igo edota jaistea» eta «Mugikortasun Urriko Pertsona erabiltzaileak ez du nasa batetik bestera ibiltzeko elementu mekaniko edota eraikuntza elementurik, eskaileradun lurpeko pasabidea zeharkatu behar da eta».[2]

Geltokira sarbidea Putxeta auzoa, 17   
Nasetara sarbidea 1. trenbidea   
2. trenbidea   
Trenera sarbidea 1. trenbidea   
3. trenbidea   

HistoriaAldatu

1865an Bizkaiko Foru Aldundiak eraikitako Trianoko Burdinbidea martxan jarri zen, ustiatutako meategietatik Bilboko itsasadarrera mineralak garraiatzeko. Garai horretan Ortuellako geltokia linearen geltoki-buru zen.[3] 1889an burdinbide horretan bidaiariak garraiatzen hasi ziren, eta trenbidea Barakaldo udalerriarekin lotu zen.[4]

1890eko uztailaren 26an Ortuella eta Muskizko geltokien arteko luzapena ireki zen, tartean Putxetako geltokia eraiki zela.

2005eko urtarrilaren 1.an, Espainiako Trenbide Sektorearen Legeari jarraiki, trenbide azpiegituren kudeaketa eta trenen ustiapen zerbitzuak bereizi ondoren geltokia eta bestelako azpiegitura ADIFek bereganatu zuen, eta bere aldetik Renfe Operadorak aldirien zerbitzua eskaintzen du.

GeltokiaAldatu

Abanto udalerriaren hirigunetik mendebaldera kokatzen da, Putxeta auzoan. Geltokiaren eraikinak oin laukizuzena, bi solairu eta bi isurialdeko teilatua du, eta gaur egun geltoki-etxea baino ez du jasotzen, bidaiarientzako zerbitzurik ematen ez duela. Sarrera eraikinaren ondotik egiten da, aparkalekuaren parean, arrapala bidez. Bertan balioztatze makinak kokatzen dira. Bi trenbide eta bi alboko nasa ditu, biak markesinaz hornituta. Nasen arteko aldaketa trenbideak azpitik zeharkatzen dituen tunela erabilita egiten da, eta horretarako eskailerak daude.

ErreferentziakAldatu

Ikus, gaineraAldatu

Kanpo loturakAldatu