Portomaringo San Nikolas eliza

Portomaringo San Nikolas eliza, antzina Maltako San Xoán eliza zena, XII. eta XIII. mendeen artean eraikitako gotorleku bat da, Portomarinen kokatua.

Portomaringo San Nikolas eliza
UNESCOren gizateriaren ondarea Kultura ondasuna
Way of Saint James in the province of Lugo
Irudi gehiago
Kokapena
Estatu burujabe	Espainia
Autonomia	Galizia
Probintzia	Lugoko probintzia
Galiziako udalerrien zerrenda	Portomarín
Koordenatuak	42°48′28″N 7°36′56″W
Historia eta erabilera
Elizbarrutia	Roman Catholic Diocese of Lugo (en)
Arkitektura
Estiloa	arkitektura erromanikoa
Gizateriaren ondarea
Erreferentzia	669-696
Eskualdea	Europa eta Ipar Amerika
Izen-ematea	bilkura)
BIC	RI-51-0000712-00000

Deskribapena

Tenpluak nabe bakarra dauka. Hau bost ataletan banatua dago. Burualdetik hurbilen dagoena gurutze-gangaz estalita dago, eta gainerakoa kanoi-ganga zorrotzez estalita dago. Absidea zirkuluerdi-formakoa da, eta esfera-laurden batez estalita dago; aurreko tarte zuzenak, berriz, kanoi-ganga du.

Elizak bi arrosa leiho ditu argiztatzeko: bat mendebaldeko fatxadan eta beste bat absidera sartzeko arkuaren gainean. Beste leiho batzuk ere badauzka.

Kanpoaldean, elizak gotorleku-itxura du, Miño ibaian zuen egoera estrategikoagatik. Horrela, nabearen izkina bakoitzean dorre bana du, elkarren artean konektatuta.

Eraikina XII. mendearen amaieran edo XIII. mendearen hasieran hasi eta XIII. mendearen lehen laurdenean amaitu zen.

Atariak

Lerro arkitektonikoen izaera sendoa ez dator bat hiru atarietako dekorazio aberatsarekin. Atari nagusia mendebaldeko fatxadan dago, eta beste biak iparraldera eta hegoaldera begira.

Portadak tinpanoa du, eta Apokalipsiaren 24 zaharrak ageri dira Kristo Pantokratorraren inguruan. Iparraldeko atariko tinpanoan Deikuntza ikus daiteke. Eta, gainera, izaki fantastikoen irudiak ere ikus daitezke, hegazti gorputza eta giza burua dutenak. Hegoaldeko atean hiru giza irudi ageri dira: San Nicolas gotzaina, eta bakulua eta liburua eusten dituzten bi gizon.

Lekualdatzea

Belesarko urtegia 1963an inauguratu zen, eta Portomarin ur azpian gelditu zen. Hala ere, monumenturik berezienak harriz harri eraman zituzten herriaren kokaleku berrira, Kristo mendiaren gailurrera. Lekuz aldatutako monumentuen artean daude San Pedro eliza, portada erromanikoa gordetzen duena, eta San Nikolas eliza.

Irudi-galeria

• 
  Absidea
• 
  Arrosa leihoa
• 
  Barrualdea
• 
  Iparraldeko atariko tinpanoa
• 
  Hegoaldeko atariko tinpanoa
• 
  Atari nagusiko tinpanoa
• 
  Giza burua eta hegazti gorputza duten izakiak, kapiteletan

Kanpo estekak

• https://www.culturaydeporte.gob.es/dam/jcr:f987f802-0e46-4527-8a4a-48c4ed9d7726/2019-09-galicia-s-nicolas-portom-v3.pdf
• https://revpubli.unileon.es/index.php/dearte/article/view/1507

• Datuak: Q5117106
• Multimedia: Church of San Nicolao de Portomarín / Q5117106