Oria (auzoa)

Artikulu hau Lasarte-Oriako auzoari buruzkoa da; beste esanahietarako, ikus «Oria (argipena)».

Oria Lasarte-Oriako auzoa da, udalerriko bi osagai nagusietan txikiena eta udalerriaren hegoaldea okupatzen duena. 1986an Lasarte-Oriako udalerria eratu zen arte, Urnietako parte zen. Oria ibaiak auzoaren mendebaldeko aldea markatzen du.

Oria
auzoa
Irudi gehiago
Administrazioa
Herrialdea	Euskal Herria
Probintzia	Gipuzkoa
Eskualdea	Donostialdea
Eskualde geografiko	Beterri-Buruntza
Udalerria	Lasarte-Oria
Geografia
Koordenatuak	43°15′14″N 2°01′10″W
Demografia

21. mendean errepideak eta urbanizazioak Lasarte eta Oriako nukleoak elkartu ditu. Izatez Oria lehen parte zen Urnietako kaskotik nahiko gertu dago, Benedika mendia dago tartean eta bidexkak badira, baina 20. mendeko errepide nagusiek Urnietatik urrunago kokatzen dute.

Oriaren garapena industria eta biztanleetan 19. mendean gertatu zen, Brunet familiak Hilados y Tejidos Oria enpresa bertan sortu zuenean. Enpresak langileentzako etxeak ere eraiki zituen. Lasarte-Oria eratu baino 5 urte lehenago, 1.467 biztanle zituen Oriak.

• 
  Brunet etxea eta familiaren lantegi bat, (Oria, 1890)
• 
  Aaspaldiko automobilismo-zirkuitua gogoratzen duen irudia frontoian.
• 
  Plazido Muxikaren hiztegi bat

1920 eta 1930eko hamarkadetan, Lasarte-Orian automobilismo lasterketak egin ziren. Lasarteko Zirkuitua Espainiako Sari Nagusiaren egoitza izan zen 10 aldiz. Helmuga, tribuna nagusia eta boxak Lasarte eta Oria artean zeuden (garai hartan bi guneak bereizita zeuden). Zirkuituko zati batek gaur egun Zirkuitu Ibilbidea izena darama. Zirkuituak errepidez hirigunea zeharkatzen zuen eta baita Andoain, Urnieta eta Hernani ere.

Gerra Zibila egon zen garaian lasterketak ez ziren egin.

Oriatar ospetsuak

• Plazido Muxika (1906-1982) hiztegigilea eta euskal idazlea

Kanpo estekak

• Datuak: Q114061188
• Multimedia: Oria (Lasarte-Oria) / Q114061188