Orfismo (artea)
Orfismoa artean, Frantzian 1912an sortu zen pintura higikundea izan zen, kubismotik eratorria.
Historia aldatu
Izenak Orfeo Greziako mitologiako musikari eta poeta gailenari erreferentzia egiten dio, eta Guillaume Apollinairek erabili zuen, Robert Delaunay (1885-1941) margolari frantsesaren koadroetan oinarri hartuta, kubismo intelektualaren soiltasuna lirismoz eta kolorez jantzi nahi izan zuten pintoreek osatu zuten higikundea izendatzeko. Orfismoaren jarraitzaileak izan zirenen edo higikundearekin harremanak izan zituztenen artean, aipatzekoak dira Fernand Léger, Francis Picabia, Marcel Duchamp eta František Kupka. Oso denbora gutxi iraun zuen, baina eragin handia izan zuen Alemaniako Blaue Reiter taldeko eta Ipar Ameriketako Stanton Mac Donald-Wright eta Morgan Russell pintoreengan.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-12-26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
