Nicolas Froment

margolari frantziarra

Nicolas Froment (Uzès, 1435 inguruan - Avignon, 1486 inguruan) lehen Pizkundeko frantziar margolaria izan zen, Avignongo bigarren eskolako garrantzitsuenetakoa.

Nicolas Froment
Nicolas Froment 001.jpg
Bizitza
Jaiotza Uzès, 1430 (egutegi gregorianoa)
Herrialdea  Frantzia
Heriotza Avignon, 1484 (egutegi gregorianoa) (53/54 urte)
Jarduerak
Jarduerak margolaria
Lantokia(k) Avignon
Genero artistikoa erretratua

BizitzaAldatu

1461 aldean, Toscanako lurretan ibili zen, Italian, non erretaula bat egin baitzuen, Lazaroren piztuera (Uffizi Galeria, Florentzia). Gero, Avignonen lan egin zuen. René Anjoukoa erregearen margolari ofizial izendatu zuten, eta Proventzako artearen ezaugarriak erabiliz Sasi Irazekia (1475-1476, Saint-Sauveur katedrala, Aix-en-Provence) egiteko agindua hartu zuen.

MargokeraAldatu

Haren estiloak eklektizismo moduko bat erakusten du, flandestarren zehaztasuna Florentziako estiloarekin bat eginez. Argi ikusten da hori bere obra nagusietan: Lazaroren piztuera eta Sasi Irazekia. Hala, irudien trataera ia eskulturazkoa da bi lanetan, eta adierazkortasuna oso nabarmena, zenbaitetan karikaturari ere hurbiltzen zaiona.

Aipaturiko bi obra horietan, Sasi Irazekia-k du estilo helduena. Ikonografiak Andre Mariaren birjintasuna azpimarratzen du, eta bitxi samarra da; bestalde, erdiko gorputzak eta alboetako biek Roger van der Weydenen eta Dirk Boutsen eragina dute, paisaiaren deskribapen oparoan eta oihalen aberastasunean batez ere.

IruditegiaAldatu

  Irudi bat handitzeko, klika ezazu gainean.

ErreferentziakAldatu

Wikimedia Commonsen badira fitxategi gehiago, gai hau dutenak: Nicolas Froment