Toscana[1] Italiako iparraldeko eskualdea da, Apenino mendien eta Tirreniar itsasoaren artean kokaturik dagoena. 22.987 km²ko eremua du eta 2015eko uztailean 3.745.547 biztanle zituen[2].

Toscana
Flag of Tuscany.svg
Administrazioa
Estatua  Italia
Hiriburua Florentzia
Probintziak Arezzo
Grosseto
Firenze
Livorno
Lucca
Massa-Carrara
Pisa
Pistoia
Prato
Siena
Udalerriak 280
Geografia
Koordenatuak 43° 21′ N, 11° 01′ E / 43.35°N,11.02°E / 43.35; 11.02Koordenatuak: 43° 21′ N, 11° 01′ E / 43.35°N,11.02°E / 43.35; 11.02
Tuscany in Italy.svg
Azalera 22.987,04 km²
Demografia
Biztanleria 3.745.547 biztanle (2015-07-31)
Dentsitatea 162,94 bizt/km²
www.regione.toscana.it

Italiako eskualderik handienetakoa da eta kulturaren eta historiaren aldetik, garrantzitsuenetakoa. Izan ere, Pizkundea izeneko garai emankorrak garapen handia izan zuen Toscanan.

Toscanako biztanle gehienak Arno ibaiaren haranean bizi dira: Arezzon, Sienan, Florentzia hiriburuan, Praton, Pistoian, Pisan eta Livornon. Beste hiri nagusi batzuk dira Grosseto, Lucca, Massa eta Carrara.

GeografiaAldatu

Orografia eta klimaAldatu

Toscanako iparraldean Apenino mendiak (Tosco Emiliano Apeninoak) daude eta Succiso mendia (2.017 m) bertako gailurrik garaiena da. Apeninoetako mendien artean, haranak eta ibai arroak dira: Magrako harana, Lunigliana ibaiaren arroa, Garfagnana ibaiarena eta Arno ibaiaren goi ibilguaren arroa. Hegoaldean, Arno ibaiaren beheko ibilguaren harana dago, Toscanako nagusia dena. Kostaldea apala eta hareatsua da eta tartean labar batzuk dira; itsasertzean uharte ugari dira.

Toscanako klima mediterraneoa da, oro har, mendialdean izan ezik.

MugakideakAldatu

Ipar-mendebaldean Liguria, iparraldean Emilia-Romagna, ekialdean Marche eta Umbria, hegoaldean Lazio eta mendebaldean Liguriako eta Tirreniar itsasoa mugakide ditu. Azken horrek Korsikatik bereizten du.

HistoriaAldatu

Etruriarrak bizi ziren Toscanan, eta K. a. IV. mendean erromatarrak jabetu ziren eskualdeaz. XII. eta XIII. mendeetan errepublika txikietan banatua egon zen; XVI. mendean medicitarrek, Florentziako duke handiek, errepublika haiek guztiak batu zituzten. Gero, Lorrenaren mende egon zen Austriar Inperioaren barruan, eta 1801-1814. urteetan frantsesen mende. Azkenean, 1860an, Italiako Erresumaren barruan geratu zen.

ProbintziakAldatu

 
Toskanako paisaia, Sienatik hurbil

Toscanak bederatzi probintzia ditu:

Hiri nagusiakAldatu

Hauek dira 50.000 biztnaletik gorako udalerri toscanarrak:

  1. Florentzia: 379.563 biztanle 2016an.
  2. Prato: 194.603 biz.
  3. Livorno: 157.823 biz.
  4. Arezzo: 99.199 biz.
  5. Pistoia: 90.441 biz.
  6. Pisa: 88.880 biz.
  7. Lucca: 88.574 biz.
  8. Grosseto: 82.263 biz.
  9. Massa: 69.366 biz.
  10. Carrara: 62.923 biz.
  11. Viareggio: 62.332 biz.
  12. Siena: 54.019 biz.
  13. Scandicci: 50.551 biz.

EkonomiaAldatu

Nekazaritza (mahatsondoak, olibondoak, azukre erremolatxa, barazkiak eta laboreak), industria (kimikoa, burdingintza, ehungintza, altzariak eta papergintza, besteak beste) eta turismoa dira ekonomia jarduera nagusiak.

Ondasun nagusiakAldatu

Pisako katedrala, bataiategia eta dorreaAldatu

Dorreetan ospetsuenak oker baten ondorioari zor dio fama. Pisako dorrea artean bukatu gabe zegoela hasi zen okertzen, zimenduen sendotasunik ezagatik. Dorre horrek eta inguruan dituen katedralak eta bataiategiak Toscanako erromanikoaren monumentu multzo hoberena eratzen dute, Erdi Aroan Pisak izan zuen oparotasun handiaren erakusgarri.

Pisako katedralaren oina basilika paleokristau batena da funtsean; transeptuko besoek basilika txikiak ematen dute, zein bere absidearekin. Gurutzaduran kupula du, baina gainerakoan egurrez dago estalia, alboko habearteak izan ezik, ertz gangez estaliak.

Pisako hiru eraikinok marmol zuriz daude estalita (berde ilun koloreko marrazkiak dituztela txertaturik), Erromatar Inperioaren garaian ohi zen bezala. Kanpotik arku itxuak eta galeriak dituzte.

Florentziako bataiategiaAldatu

 
Michelangelo Buonarroti toskanarrak eginiko David eskultura

Toscanako erromanikoaren obra nagusia Florentziako bataiategia da. Katedralaren mendebaldeko fatxadaren aurrean dago: oktogono oineko eraikin handia da, ganga batez burutua. Hau ere marmolez estalia dago, lerro geometriko zorrotzen arabera.

Hain du klasikoen itxura, ezen Marteri eskainitako tenplua izan zela uste izan zuten florentziarrek berek mende batzuk geroago.

Sienako hiriguneaAldatu

Gizateriaren Ondare izendatu dute hirigune historikoa: Sienako katedrala eta Piazza del Campo enparantzaren inguruan dauden momunentuak (Palazzo Comunale jauregia, Torre del Mangia dorrea, Cappella di Piazza kapera eta Fonte Gaia iturria).

Beste batzukAldatu

Toscanar ospetsuakAldatu

Argazki galeriaAldatu

ErreferentziakAldatu

Kanpo estekakAldatu