Lorient
Lorient (bretainieraz An Oriant) Bretainiako hegoaldeko kostaldean dagoen hiria eta portua da. Mor-Bihan departamenduko eta Bro Gwened lurralde historikoko hiri handiena da, ez ordea hiriburua. 2013ko erroldaren arabera 57.961 biztanle ditu.
| Lorient | |||||||||||
|---|---|---|---|---|---|---|---|---|---|---|---|
| Frantziako udalerria | |||||||||||
 | |||||||||||
| |||||||||||
| Administrazioa | |||||||||||
| Estatu burujabe |  Frantzia | ||||||||||
| Frantziaren banaketa administratiboa | Metropolitar Frantzia | ||||||||||
| Eskualdea |  Bretainia | ||||||||||
| Departamendua | Morbihan | ||||||||||
| Barruti | Lorienteko barrutia | ||||||||||
| Alkatea | Norbert Métairie (en)  | ||||||||||
| Izen ofiziala | Lorient | ||||||||||
| Posta kodea | 56100 | ||||||||||
| Geografia | |||||||||||
| Koordenatuak | 47°44′45″N 3°21′59″W / 47.7458°N 3.3664°W | ||||||||||
 | |||||||||||
 | |||||||||||
| Azalera | 17.48 km² | ||||||||||
| Mugakideak | Quéven, Caudan, Lanester, Larmor-Plage eta Ploemeur | ||||||||||
| Demografia | |||||||||||
| Biztanleria | 57.412 (2020ko urtarrilaren 1a) 166 (2019) | ||||||||||
| |||||||||||
| Dentsitatea | 3.284,44 bizt/km² | ||||||||||
| Informazio gehigarria | |||||||||||
| Sorrera | 1666ko Ekaina | ||||||||||
| Ordu eremua | UTC+01:00 eta UTC+02:00 | ||||||||||
| Hiri senidetuak | Ventspils, Ludwigshafen, České Budějovice, Galway, Toluca de Lerdo eta Vigo | ||||||||||
| lorient.bzh eta lorient.bzh… | |||||||||||
.svg)
Geografia Aldatu
Scorff eta Blavet ibaien bokalean dago, Lorienteko arradan. Parean Groix uhartea dauka, bere izaera geologiko bereziarengatik 1982an Mineralen Natur Erreserba izendatu zutena.
Historia Aldatu
Monumento megalitikoek erakusten dute eremua K.a. 3000 urtearen inguruan populatu zela. Quimper eta Vannes lotzen zituen erromatarren errepidearen aztarnak ere badaude.
1666. urtean sortu zen hiria, merkataritzako portu bat egiteko Indietako Konpainiari lurrak eskaini zizkiotenean. Lorienteko portua XVIII. mendean garatu zen, batez ere esklabuen trafikoari esker. 1720 eta 1790 artean 156 itsasontzik 43.000 esklabu eraman zituztela estimatzen da. Garai hortan hiria haziz joan zen eta kale berriak eraiki ziren etxe zaharrak bota eta harrizko berriak altxatuz. 1744an harresiek inguratu zutenhiria eta 1769an Erregearen Itsas Armadarako egoitza izateko portu handia eraiki zuen.
XIX mendean esklabu jarduerak bukatu ziren eta jarduera ekonomiko berriak sortu ziren, arrantza, ontzigintza eta sardina kontserba lantegiak ireki ziren.
Bigarren Mundu Gerran zehar bonbardaketa ikaragarriak nozitu zituen Lorient hiriak.
Ekonomia Aldatu
Ekonomia jarduera nagusiak industria (janari industria, ontzigintza, industria mekanikoa, ehungintza), arrantza eta turismoa dira. Aireportua ere badauka.
Kaia Aldatu
Bizkaiko golkoan kokaturik, arrantza portu garrantzitsua dauka, Frantziako nagusietakoa Boulogne-sur-Mer eta Concarneau/Konk-Kernekoekin batera. Itsaspekoen base alemaniarra izan zen Bigarren Mundu Gerra garaian.
Kultura Aldatu
1971 urtetik aurrera Lorienteko Interzeltiar Jaialdia ospatzen da. Zeltiar Herrialdeen bilgunea da, bertan hainbat herrialde eta eskualdeetako kultura, musika eta ohiturak topa daitezkelarik. Abuztuko lehenbiziko egunetan ospatzen da eta hamar egunetako iraupenarekin ezaugarri hauetako munduko jaialdirik handiena da.
Kirolak Aldatu
FC Lorient (Football Club Lorient-Bretagne Sud) Lehen mailan jokatzen du. Liga bat (1995) eta kopa bat (2002) irabazi ditu.
Ondasun nabarmenak Aldatu
-
Udaletxea.
-
Notre-Dame de Victoire eliza.
-
Kirol kaia.
-
Keroman Itsaspekoen egoitza.
-
-
Stade du Moustoir estadioa.
-
Groix uharteko labarrak.
Herri eta hiri senidetuak Aldatu
Galway, Irlanda
Vigo, Galizia
Wirral, Ingalaterra
Ventspils, Letonia
Toluca de Lerdo, Mexiko
Ludwigshafen, Alemania
České Budějovice, Txekiar Errepublika
Denizli, Turkia
Kanpo estekak Aldatu
- (Frantsesez) Lorient/An Oriant hiriko webgunea
- (Frantsesez)"Festival Interceltique"
Erreferentziak Aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.