Larraineko mendatea
Larraineko mendatea (zubereraz: Uthurzehetako Lepoa[1]; frantsesez: Port de Larrau; gaztelaniaz: Puerto de Larrau) Larraine (Zuberoa) eta Otsagabi (Nafarroa) udalerriak lotzen dituen mendatea da. 1.573 metrotara dago itsas mailatik.
| Larraineko mendatea | |
|---|---|
 | |
| Geografia | |
| Altuera | 1.573 m |
| Mendikatea | Pirinioak |
| Lurraldea | Nafarroa Garaia |
 | |
Geografia aldatu
Ohiko abiapuntua da Orhi (2.018 m.) mendira igotzeko, bai eta ekialdean duen Otsogorrigañara ere. Ekialdean ere Holtzarteko arroilak ditu. Olhadoko erreka bertan du iturria.
Toponimia aldatu
Frantsesezko Larrau toponimoak[2] itxura hauek izan ditu historian: Sanctus Johannes de Larraun eta l'ospitau de Larraun (1174an eta 1385ean, Duchesne bilduma CXIV[3]).
Igoera aldatu
Zuberoako aldetik Larraineko Laugibar aterpetik igo daiteke RD-26 errepidetik, mendatearen ipar-ekialdean kokaturikoa. Igoerak 15,3 kilometroko luzera du. Bertatik 1.205 metro igotzen dira (batez besteko %7,9a). Tarte batzuetan %10 gradiente du, gehiengoa %13a izanda. Larrainetik tontorreraino ailegatzeko 1.362 metroko altueran dagoen Erroimendiko mendatea igaro behar da.
Otsagabiatik hasita, mendateak 19,3 kilometroko luzera eta 100 metroko tunela ditu tontorretik gertu. Alde horretatik, NA-2011 errepidetik, 815 metro igotzen dira (batez besteko %4,2a), gehiengoa %8a izanda.
Frantziako Tourra aldatu
Igoera bitan egin dute txirrindulariek Frantziako Tourrean, 1996an eta 2007an[4]. Lehendabizikoz igo zutenean, Miguel Indurainek denbora asko galdu zuen Iruñera zihoan etapa batean. 2007an, lasterketa osoko mendaterik gogorrenetariko bat izan zen, Orthezetik Aubisquera zihoan etapan egindakoa.
Datuak aldatu
| Urtea | Etapa | Kategoria | Hasiera | Bukaera | Lehendabizikoa tontorrean |
|---|---|---|---|---|---|
| 2007 | 16 | Hors Categorie | Ortheze | Gourette-Aubisque | Txente García Acosta |
| 1996 | 17 | Hors Categorie | Argelèrs de Gasòst | Iruñea | Richard Virenque |
Erreferentziak aldatu
- ↑ Hemen erabilia eta baita Frantziako Institut Géographique Nationalak esana
- ↑ Paul Raymond: "Dictionnaire topographique Béarn-Pays Basque"
- ↑ Duchesne Bilduma, 99-114. Liburukiak, Oihenarten paperak - Frantziako Liburutegi Nazionala
- ↑ Larraineko mendatea Frantziako Tourrean
Kanpo estekak aldatu
Datuak: Q1851165
Multimedia: Larrau (mountain pass) / Q1851165
