La Ceres
La Ceres Bilboko San Frantzisko auzuneko irin fabrika historikoa da. 1998an Eusko Jaurlaritzak Kultura Ondasun izendatu zuen.[1]
| La Ceres | |
|---|---|
 Eraikitako euskal ondasun nabarmena | |
 | |
| Kokapena | |
| Herrialdea |  Euskal Herria |
| Probintzia |  Bizkaia |
| Herria | Bilbo |
| Koordenatuak | 43°15′24″N 2°55′36″W / 43.2567°N 2.92674°W |
 | |
| Historia eta erabilera | |
| Eraikuntza | 1899 - 1900 |
| Ondarea | |
| EJren ondarea | 548 |
La Ceres irin-fabrika zaharraren eraikina Mesedeetako kaiarekin lerrokaturik dago eta mehelindun solairuz dago osatua. 1899 eta 1900 urte artean eraiki zuten, Ramon Grotta Palacios ingeniariak egindako proiektuari jarraituz Federico Ugalde arkitektoarekin lankidetzan. Jatorriz eraikin honek beheko solairua gehi beste lau solairu zituen, eta estalki mantsardaduna. Gero, 50etako hamarkadan, estalki hori kendu eta beste bi solairu gehiago erantsi zizkioten.
Fatxada adreilu enfoskatuz eta harri artifizialezko pieza modularrez egina dago. Faktura oso zaindua dauka eta era uniformean dago banatua, zutabe eta forjatu lerrokaketak osatzen duen lauki-sarearen bidez markaturik. Sei ardatzen inguruan dago egituratua eta horiek, muturrekoak izan ezik, baho bikoitzak dituzte. Muturrekoak lerrokaketaren izkina markatzen du, txikiagoa da eta baho bakunak dauzka. Jatorrizko planten hutsuneek arku beheratua, ateburu kurbatua eta moldurazko apaingarriak dituzte. Elementu horiek tankera dotorea ematen diote eraikin industrial honi.
Eraikinaren egitura hormigoizkoa da. Hau izan zen hormigoi armatuko Hennebique patentea erabili zen lehen aldia Bilbon eta, hori dela eta, euskal eraikuntza industrialaren historiako eraikin giltzarria da.
Gaur egun familianitzeko etxebizitza-eraikina da, 2001ean J.Iñaki Aurrekoetxea Aurre arkitektoak bergaitu ondoren, egituraren oinarrizko ezaugarriak mantenduz eta jatorrizko perfila berreskuratuz.
Erreferentziak aldatu
- Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).
- ↑ (Gaztelaniaz) Izendapena EHAAn
Ikus, gainera aldatu
Kanpo estekak aldatu
- La Ceres hiru.com webgunean
- (Gaztelaniaz) Ainara Martínez Matía: "La Ceres". Una fábrica del novecientos en el casco urbano bilbaíno
Datuak: Q11682007
| Euskarazko Wikipedian bada atari bat, gai hau duena: Bilbo |