Kuma (ibaia)
- Artikulu hau ibaiari buruzkoa da; beste esanahietarako, ikus «Kuma».
Kuma (errusieraz: Кума́, translit.: Kuma) Errusiako Iparraldeko Kaukaso zeharkatzen duen ibaia da. Ipar-ekialderantz doa Kaspiar itsasora. 802 kilometro luze da eta 33.500 kilometro karratuko drainatze-arroa du.[1] Kaukaso Handian du jatorria, Karatxai-Txerkesia errepublikan, Kislovodsketik mendebaldera. Ipar-ekialdean Stavropol kraia zeharkatzen du (Mineralnye Vody, Zelenokumsk, Budyonnovsk edota Neftekumsk herriak) eta ekialderago Kaspiar sakonunea, errusiar Kalmukia eta Dagestan errepubliken arteko muga naturala. Kuma haranaren zati hori Kuma-Manitxeko sakonunearen ekialdeko zatia da, Ekialdeko Europako ordokia eta Kaukaso eskualdea banatzen dituena. Kuma ibaia Kaspiar itsasoko Kizliarreko badian itsasoratzen da, Dagestan eta Kalmukia arteko mugatik gertu.
Kuma (ibaia) | |
---|---|
![]() | |
Datu orokorrak | |
Mota | ibai |
Luzera | 802 km |
Geografia | |
![]() | |
Koordenatuak | 44°45′14″N 46°59′38″E / 44.7539°N 46.9939°E |
Estatu burujabe | ![]() |
Errusiako errepublikak | ![]() |
Hidrografia | |
Ibaiadarrak | ikusi
|
Arroaren azalera | 33.500 km² |
Ur-emaria | 12 m³/s |
Lakuak | Kaspiar itsasoa |
Bokalea () | Kaspiar itsasoa |
Kaukaso mendietatik iparraldera eta Terek–Kumako sakonunera doazen ibai gehienak Kuban eta Terekek harrapatzen dituzte. Bi ibai horien arroen artean sortzen da; beraz, Kuma estepa-ibaia da batez ere. Asko erabiltzen dute ureztatzeko.
Erreferentziak
aldatu- ↑ textual.ru (Errusieraz)