Kalipso

greziar mitologiako itsasoko ninfa edo ozeanida

Greziar mitologian Kalipso[1] (antzinako grezieraz: Καλυψώ, "ezkutatzen duena") Homeroren arabera, Atlas titanaren alaba eder baten izena zen, Ogigiako uhartean erregina zena.

Kalipso
Antzinako Greziako erlijioa
Hitchcock, George - Calypso - Google Art Project.jpg
Ezaugarriak
Sexuaemakumezkoa
Familia
AitaOzeano, Atlas eta Nereo
AmaTetis, Pleione eta Doris
Bikotekidea(k)Odiseo
Seme-alabakNausitoo, Nausinoo, Auson, Latino eta Telegonus (en) Itzuli

Odiseo, noraezean zegoena bere itsasontzia urperatu ondoren, uharte honetara heldu zenean, Kalipsok bere kobazuloan hartu zuen, ahogozagarriz, edariz, eta bere ohea emanez. Honela mantendu zuen zazpi urte luzez, Troiako heroiarekin lau seme izanez: Nausitoo, Nausinoo, Latino eta Telegono (aldiz, kontakizun batzuetan Zirtze eta Odiseoren semeak ziren azken biak). Kalipsok, Odiseok bere lehengo bizitza ahaztu zezan saiatu zen, eta hilezkortasuna eta betiereko gaztetasuna eskaini zizkion berarekin uhartean geratzen bazen. Baina heroia laster aspertu zen Kalipsoren laztanez, eta bere emazte Penelope faltan botatzen hasi zen.

Egoera hau ikusirik, Ateneak parte hartu zuen, eta Zeusi, Kalipsori Odiseo joaten uzteko agintzeko eskatu zion. Zeusek bere mezularia zen Hermes bidali zuen, eta Kalipsok, obeditzea beste erremediorik ez zuela ikusirik, materialak eta janaria eman zizkion Odiseori baltsa bat egin eta bere bidaia jarrai zezan. Odiseok Kalipso agurtu zuen, baina deskonfidantza kutsu batekin, tranpa bat balitz ere, eta abiatu egin zen. Elezahar batzuk, Kalipso penaz hil zela kontatzen dute. [2]

Izen bereko beste pertsonaia batzukAldatu

  1. Perseisen eta Helios edo Apoloren alaba bat, eta, beraz, Ozeano eta Tetisen biloba.
  2. Apolodororen arabera (Liburutegia 1.2.7) nereidetako bat, Nereo eta Dorisen alabak
  3. Hesiodoren arabera (Teogonia 350) ozeanideetako bat Ozeano eta Tetisen alabak.

ErreferentziakAldatu

  1. Euskaltzaindiaren 82. araua: Grezia eta Erromako pertsonaia mitologikoak
  2. (Gaztelaniaz) «El mito de Calipso» Mitos y Leyendas 2013-06-22 (Noiz kontsultatua: 2020-05-24).

Kanpo estekakAldatu