Jonas Vingegaard
Jonas Vingegaard Rasmussen —ahoskera, danieraz: [ˈjoːnæs ˈve̝ŋəˌkɒˀ ˈʁɑsmusn̩]— (Thisted, Danimarka, 1996ko abenduaren 10a) txirrindulari profesionala da. 2021eko Frantziako Tourrean bigarren sailkatu zen, 24 urterekin, eta 2022koa eta 2023koak irabazi zituen. 2023an Euskal Herriko Itzulia irabazi zuen, erakustaldi handia emanda.[1]
Danimarkako iparraldean jaio zen, Hillerslev izeneko herri batean, Thisted udalerrian.
Biografia
aldatuVingegaard Hillerslev-en jaio zen, itsas mailatik 200 metrotik gorako haize etengabeak dituen herrian. Bere ama Karina Vingegaard Rasmussen da eta bere aita Claus Christian Rasmussen, izokin-hazkuntzako instalazioen eraikitzailea, astean bitan bizikletaz ibiltzen zena, bere semea Danimarkako Itzuliko etapa batzuetako irteera edo helmugetara eramaten zuena.
Bere lehen hezkuntza Hillerslev eskolan ikasi zuen zazpigarren mailara arte, zortzigarren eta bederatzigarren maila Thisted-eko Tingstrup eskolan ikasi zituen. 2012ko abuztuan, Vingegaard Ikast-eko ISI Idrætsefterskoleko txirrindularitza-pistako 10. mailan parte hartu zuen. Ondoren, Thisted Handelsgymnasium-en matrikulatu zen bigarren hezkuntzarako, Goi Mailako Enpresa Azterketa (HHX) Programan parte hartuz.
Jonasek hamar urte zituela hasi zuen bere kirol-bizitza futbolean jokatzen, baina azkar utzi zuen bere altuera baxuegia zela eta, txirrindularitzan jarraitu zuen.
Aitak herri proba batean sartu zuen minutu 1ean ahalik eta distantziarik luzeena egiteko, eta irabazi zuen, geroago gazteen bertze proba bat irabazi zuen.
Urte batean bere gurasoek lasterketako lehen bizikleta eman zioten eta 17 urterekin emaitzarik gabe praktikatzen hasi zen, haizeak eragitenziolako pisu eta altuera txikiagatik.
Clausek Danimarkako Txirrindularitza Federazioan ikastaro bat egin zuen bere semea prestakuntza, elikadura, psikologia, fisiologia eta abar bezalako alderdietan behar bezala gidatzeko.
Jonasek asteburuak pasatzen zituen bere arrebarekin Michellerekin korrika egiten.
Familia Frantziara oporretan zihoan, Jonas haiekin bidaiatzen zuen lagun batekin entrenatu eta aitaren argibideak jarraitu zituen.
2016 eta 2018 artean Jonas Team ColoQuick-ekoa izan zen, eta Trine Marie Hansen (j. 1987) ezagutu zuen, taldeko marketin zuzendaria zena. Urte batzuk egon ondoren, bikotea 2019an ezkondu zen, Glyngøre-n. 2020ko irailaren 8an, Trinek bere lehen seme-alaba erditu zuen, Frida Vingegaard izeneko alaba.
Jonasen amaginarreba Rosa Kildahl Christensen da, eragilea, 2017an Danimarkako gozogintza lehiaketan Den Store Bagedyst-en parte-hartzaile gisa ezaguna bihurtu zen nazio mailan.
Karrera
aldatu2016ko maiatzean ColoQuick-Cult talde kontinental daniarrarekin bat egin zuen. Uztailean, Sibiuko Txirrindulari Itzuliko erlojupekoan bederatzigarren sailkatu zen, Egan Bernalen aurretik. Irailean, 19 urte zituela, bigarren egin zuen 2016ko Txinako Itzulian, Raffaello Bonusirengandik lau segundora.[2]
2017an, apirilean, Loir-et-Cher-eko Tourrean laugarren eta gazte onena izan zen. Maiatzetik, bere gaitasunak berretsi zituen UCI Europe Tourreko egun bakarreko lasterketetan 10 onenen artean kokatuz, GP Viborg Sari Nagusian bigarren postua barne, non helmugan Kasper Asgreenek gainditu zuen. Handik aste batzuetara femu
2018an formara itzuli zen, apirilean errepideetara itzuli zen. Bederatzigarren izan zen Triptyque des Monts et Châteaux-en, eta, ondoren, bosgarren eta gazterik onena Tour du Loir-et-Cher-en. Danimarkako 23 urtez azpiko selekzioarekin, bosgarren izan zen 23 urtez azpiko Peace Race-n, UCIren 23 urtez azpiko Nazioen Koparen egutegiko hitzordu nagusietako bat. Uztailean, Aostako Ibarreko Giro ospetsuaren hitzaurrea irabazi zuen. Hurrengo egunean, kolpe baten ondorioz etapako lehen kilometroetan erori eta abandonatu egin zuen. Abuztuan, 2018ko Tour del Porvenir taldekako erlojupekoa irabazi zuen Danimarkako lehiakideekin. Bere eskaladarako trebetasunari eskerr haustura bat izan zuen Fiordoen Itzulian, eta horrek bukaera eman zion denboraldiari.
2018ko abuztuean Team jumbo-vismarekin fitxatu zuen 2019 eta 2020rako.
2019an Jumbo-Visma taldearekin parte hartzen hasi zen eta UCI WorldTour-eko lehen garaipena lortu zuen 2019ko Poloniako Itzuliko 6. etapan. 2020ko Espainiako Vuelta osatu zuen lasterketako irabazlearen, Primož Roglič, bikote gisa.
2021ean, bere lehen lasterketako 5. etapa irabazi zuen 2021eko UAEko Tourrean, Settimana Coppi e Bartalin bi etapa eta orokorra irabazi eta bigarren postuan sailkatu zen, Roglič taldekidearen atzetik, Euskal Herriko itzulian. Frantziako Tourrean, Primož Roglič faborito orokorrarekin bat egiten jarraitu zuen, hainbat erorketa jasan eta zortzi etaparen ostean erretiratu zen, Vingegaard taldean sailkapen orokorrerako hautagai bakar gisa utziz. Bi aldiz bigarren izan zen gailurrerako helmugan, behin betiko irabazlearen atzetik, Tadej Pogačar esloveniarra, eta hirugarren izan zen bi erlojupekoetan bigarren postu orokorrerako bidean, Frantziako Tourrean podiuma lortu zuen bigarren txirrindulari danimarkarra bihurtuz.
2022an, Frantziako Tourrean, 11. etapa irabazi zuen eta liderren kamiseta kendu zion Pogačarri[3], 18. etapa ere irabazi zuen eta amaierara arte lehen postuan mantendu zen, 3 minutu baino gehiagoko aldearekin bere lehen txapelketa lortuz handia.[4]
2023an, bere titulua defendatu zuen Frantziako Tourrean, non Tadej Pogačar zen faboritoa. Seigarren etapan Pogačarrek irabazi zuen etapa baina, Vingegaard izan zen lider. Tourreko azken astea Jonas lider zela hasi zen 10 segundora Tadej-en aurka, 16. etapan erlojupekoa korritu zen, non daniarrak garaipen ikaragarria lortu zuen esloveniarrak egunean bigarren postua lortu zuen arren[5] Hurrengo etapetan Vingegaard-ek abantaila zabaldu zuen, txapeldun bihurtuz Pogačarren aurka 7 minutu baino gehiagorekin.
2024ean Euskal Herriko itzulia egiten ari zela erori egin zen sustrai batzuengatik Evenepoel eta Roglic ere erori ziren.[6] Erorketa horrek baldintzatua utzi zuen denboraldi erdirako, baina, azkenean Jonas tourrera joan zen.[7] Hala ere Vinegaard ezin izan zion eutsi Pogacarren indar ikusgarriari, azken honek 6 etapa irabazi bai zituen, Jonasek aldiz bat.[8]
Palmaresa
aldatu2018
- Aostako Haranako Giroko etapa bat.
2019
- Poloniako Itzulia eta etapa bat.
- 2. Danimarkako Itzulian.
2020
2021
- Settimana Coppi e Bartali eta bi etapa.
- UAE Tourreko etapa bat.
- 2. Frantziako Tourrean.
- 2. Euskal Herriko Itzulian.
- 8. Donostia Klasikoan.
2022
Frantziako Tourra, Mendiko sailkapena 
eta 2 etapa- Drôme Classic
- 2. Dauphiné Libérén eta etapa bat.
- 2. Tirreno-Adriatikoan.
- 2. CRO Racen
- 6. Euskal Herriko Itzulian.
2023
- O Gran Camiño eta 3 etapa.
- Euskal Herriko Itzulia, Puntukako sailkapena
eta 3 etapa. 
Dauphiné Libéré eta 2 etapa.- Frantziako Tourra eta etapa 1.
- 2. Espainiako Vueltan eta 2 etapa.
- 3. Paris-Nizan.
2024
- O Gran Camiño, Puntukako sailkapena , Mendiko sailkapena eta 3 etapa.
Tirreno-Adriatiko, Mendiko sailkapena eta bi etapa- Poloniako Itzulia
- 2. Frantziako Tourrean eta etapa 1
2025
- Algarveko Itzulia eta etapa 1
Sailkapen orokorra lasterketa nagusietan
aldatuItzuli Handiak
aldatu| Itzuli handia | 2016 | 2017 | 2018 | 2019 | 2020 | 2021 | 2022 | 2023 | 2024 | |
|---|---|---|---|---|---|---|---|---|---|---|
| Italiako Giroa | — | — | — | — | — | — | — | — | — | |
| Frantziako Tourra | — | — | — | — | — | 2. | 1. | 1. | 2. | |
| Espainiako Vuelta | — | — | — | — | 46. | — | — | 2. | --- | |
Beste itzuliak
aldatu| Itzulia | 2016 | 2017 | 2018 | 2019 | 2020 | 2021 | 2022 | 2023 | 2024 | 2025 | |
|---|---|---|---|---|---|---|---|---|---|---|---|
| Paris-Niza | — | — | — | — | — | — | — | 3. | — | UT | |
| Tirreno-Adriatiko | — | — | — | — | — | — | 2. | — | 1. | — | |
| Euskal Herriko Itzulia | — | — | — | 32. | X | 2. | 6. | 1. | UT | ||
| Romandiako Tourra | — | — | — | 72. | X | — | — | — | — | ||
| Dauphiné Libéré | — | — | — | — | — | 51. | 2. | 1. | — | ||
| Poloniako Itzulia | — | — | — | 26. | 8. | — | — | — | 1. | ||
Leienda
aldatu—: ez zuen parte hartu
UT: utzi, ez zuen amaitu
Erreferentziak
aldatu- ↑ Telleria, Beñat Mujika. (2023-06-14). «Eibarko etapa eta Itzulia Vingegaardentzat» Berria (Noiz kontsultatua: 2023-06-14).
- ↑ «Tour of China I 2016 Stage 6 results» www.procyclingstats.com (Noiz kontsultatua: 2024-04-02).
- ↑ (Gaztelaniaz) RODRÍGUEZ, M. Á. (2022-07-13). «Tour de Francia: Resumen, clasificación y ganador de la etapa 11 | Marca» Marca.com (Noiz kontsultatua: 2024-08-31).
- ↑ «Philipsenek irabazi du azken etapa, eta Vingegaardek 2022ko Frantziako Tourra» EITB 2022-07-24 (Noiz kontsultatua: 2024-04-03).
- ↑ (Gaztelaniaz) «La masacre de Vingegaard: destroza a Pogacar en la crono y vuelve a encarrilar el Tour» ELMUNDO 2023-07-18 (Noiz kontsultatua: 2024-04-03).
- ↑ espanol.eurosport.com (Noiz kontsultatua: 2024-08-31).
- ↑ (Gaztelaniaz) «Vingegaard completa su recuperación y estará en el Tour de Francia» MARCA 2024-06-20 (Noiz kontsultatua: 2024-08-31).
- ↑ (Gaztelaniaz) «GANADORES DE ETAPA DEL TOUR DE FRANCE 2024» www.letour.fr (Noiz kontsultatua: 2024-08-31).
Kanpo estekak
aldatu- Jonas Vingegaard - ProCyclingStats
Datuak: Q26868933
Multimedia: Jonas Vingegaard / Q26868933
