Itsaso Zeltikoa

Itsaso Zeltikoa (ingelesez: Celtic Sea; irlanderaz: An Mhuir Cheilteach; galesez: Y Môr Celtaidd; kornubieraz: An Mor Keltek; bretainieraz: Ar Mor Keltiek; frantsesez: La mer Celtique) Irlandaren hegoaldean dagoen Ozeano Atlantikoaren zatiari deritzo. Ekialdean, uretan mugakide ditu Saint George kanala (horrek bereizten du Irlandako itsasotik), Bristolgo kanala eta Mantxako kanala; eta, lehorrean, Galesko Pembrokeshire konderria, Ingalaterrako Kornualles eta Devon konderriak eta Bretainia. Bere hondoaren sakontasuna 50 eta 200 metroen inguruan dabil. Itsaso Zeltikoa oso oparoa da arrainetan, batez ere sardinetan.

Itsaso Zeltikoa
Mota	itsaso
Geografia
Koordenatuak	50°30′08″N 7°54′52″W
Honen parte da	Ipar Ozeano Atlantikoa
Hidrografia
Betebidea	ikusi Suir ibaia Bandon ibaia Lee ibaia Blackwater ibaia Argideen River (en) Figile River (en) Finnery River (en) Kings River (en) River Ara (en) River Awbeg (en) River Greese (en) River Ilen (en) Mahon ibaia Slate River (en) Tully Stream (en)

Itsaso Zeltikoaren izena 1921an E.W.L. Holtek proposatu zuen, inguruan dituen herrialdeen zelta ondarea aipatu nahian. Jatorriz itsasoaren iparraldea Saint George kanalaren zatia zen, aldiz herrialde askok partekatzen zuten zatiak ez zuen inolako izen jakinik; zenbait ezaugarri geologiko eta hidrologiko komunek zientzialariak ur hauei izen zientifiko bat bilatzera bultzatu zituzten. Gaur egun, izen hori petrolio eta arrantza jardueretako langileek erabili ohi dute.

Ipar eta mendebaldeko mugak ez daude hain argi. Holtek proposatu zuen 200 oineko (366 metro) sakonera eta Bretainiako Ouessant uhartea hartzea mugatzat; Nazioarteko Erakunde Hidrografikoak loxodromiak erabili ohi ditu, eta horiek are hegoalderago daude.

Ikus gainera

• Gran Sol

Kanpo estekak

• Datuak: Q81499
• Multimedia: Celtic Sea / Q81499