Iñarbeko arroila
Iñarbeko arroila Nafarroa Garaiko Pirinioaurrea eskualdean kokatutako arroila bat da, Irati ibaiak zeharkatutakoa. Orotz-Betelu eta Artozki herrien artean dago, 2,50 kilometroko luzerarekin eta 7,30 kilometro koadroko azalerarekin. Zatirik sakonenetan, 612 metroko aldea dago ibaiaren mailaren (gaur egun Itoizko urtegiaren pean) eta gailurrik altuenen artean, eta azpimarratzekoak dira eskuinaldeko Lakorri eta ezkerraldeko Baxa mendiak.
| Iñarbeko arroila | |
|---|---|
 | |
| Datu orokorrak | |
| Garaiera | 550 m |
| Prominentzia | 612 m |
| Mota | arroila |
| Luzera | 2,5 km |
| Azalera | 7,3 km² |
| Geografia | |
 | |
| Koordenatuak | 42°52′22″N 1°19′46″W / 42.87266658°N 1.32956918°W |
| Mendikatea | Zarikietako mendilerroa Otsako mendilerroa |
| Kokapena | Pirinioak |
| Herrialdea |  Euskal Herria |
| Foru erkidego |  Nafarroa Garaia |
Natura 2000 sarekoa da, Natura Erreserba gisa.
Ezaugarriak aldatu
Lurraldea babesteko eta erabiltzeko eskualdeetako hirigintza-arauei buruzko apirilaren 10eko 6/1987 Foru Legeak erreserba natural izendatu zuen. Bere perimetroaren barruan kareharrizko labar ugari daude, sai arre kolonia bat eta beste espezie harkaiztar batzuk dituztenak.
Mendi-mazelak zuhaitz-landaretza ugariz estalita daude, eta askotariko espezieak dituzte. Baso hezeetan pagoak eta haritzak daude karraskila menditarretara igarotzeko, eta ametz ilaundun eta pinu gorri tartekatzen dira. Bigarren mailako espezie ugarik (hostazuri, otsalizar, astigar arrunt, eihar frantses, ezki hostozabal, ezpel arrunt, etab.) barietatea eta kolorea ematen diote erreserba horri.
Erreferentziak aldatu
- Nafarroako Entziklopedia Handia | IÑARBEKO ARROILA. (Noiz kontsultatua: 2021-11-21).
- «Artxugako eta Zariketako mendilerroak eta Aretako mendiak - naturgune babestuak - navarra.es» espaciosnaturales.navarra.es (Noiz kontsultatua: 2021-11-21).
Ikus, gainera aldatu
Kanpo estekak aldatu
Datuak: Q109659689
