Ezki hostozabal

Ezki hostozabala (Tilia platyphyllos) ezkien familiako zuhaitza da.

Ezki hostozabal
Irudi gehiago
Iraute egoera
Arrisku txikia  (IUCN 3.1)
Sailkapen zientifikoa
Erreinua	Plantae
Ordena	Malvales
Familia	Malvaceae
Generoa	Tilia
Espeziea	Tilia platyphyllos Scop. Scop.
Banaketa mapa
Datu orokorrak
Gizakiak ateratzen dizkion produktuak	Tiliae flos (en)

Ezaugarriak

Hosto erorkorrak dituen zuhaitz sendoa eta hostotsua da ezkia; 30 m garai izan daiteke.

Zurtoina – Azala

Ezkiaren enborra zuzena da. Azala grisaxka da, eta arrailak ditu.

Hostoak

Hostoak bihotz-formakoak eta zerradunak dira; berde ilunak eta ilegabeak gainaldean, eta zilar-kolorekoak eta pubeszenteak azpialdean.

Loreak

Loreak: txikiak baina usaintsuak

Udaren hasieran loratzen da ezkia. Loreak horixkak eta usaintsuak dira, eta braktea batetik jaiotzen diren 6-10 lorez osatutako infloreszentzia zintzilikarietan sortzen dira.

Fruituak

Fruituak udazkenean heltzen dira.Txikiak, globularrak eta oso iletsuak dira, eta 5 saihets nabarmen dituzte.

Habitata

Ezkia trokarte, arroila eta amildegietan bizi da gehienbat, eta baso mistoak eratzen ditu. Kareharrizkoa du berezko lurzorua. Europako erdialdean eta hegoaldean hedatzen da. Euskal Herri osoan dago.

Erabilera

Ezkiaren zura biguna eta kalitate handikoa da, eta ebanisterian oso estimatua.

Lorategiak eta parkeak apaintzeko erabiltzen da ezkia.

Lore lehorrekin eta brakteekin, infusio diuretiko eta lasaigarriak prestatzen dira. Azalak propietate bronkio-zabaltzaileak eta antiespasmodikoak ditu, eta, beraz, arnas aparatuko gaixotasunen tratamenduetarako erabiltzen da.

Ezkiaren eztia oso goxoa eta aromatikoa da.

Erreferentziak

• Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.

• Datuak: Q156831
• Multimedia: Tilia platyphyllos / Q156831
• Espezieak: Tilia platyphyllos