Herdoilaren gerrikoa

Herdoilaren gerrikoa (ingelesez: Rust Belt) AEBtako industria eremua osatzen zuen eskualde bat da, gaur egun desindustrializazioaren ondorioz nabarmen pobretu dena. Kanadara ere hedatzen da eremua, bereziki AEBrekin muga egiten duten eskualde batzuetan.

Herdoilaren gerrikoa
Datu orokorrak
Mota	lurralde eta cultural area (en)
Eponimoa	Herdoil
Geografia
Koordenatuak	40°56′48″N 79°53′31″W

Geografia

Industria eremu hau honako estatu hauek osatzen dute:

• Delaware (Wilmington).
• Illinois (ipar-ekialdea, nagusiki Chicago inguruan).
• Indiana (iparraldea).
• Maryland (Baltimore).
• Michigan (hegoaldea)
• Missouri (Saint Louis).
• New Jersey (iparraldea).
• New York (nagusiki Buffalo eta New York hirien inguruan).
• Ohio (iparraldea).
• Pennsylvania (estatuaren eremu handiena)
• Mendebaldeko Virginia (iparraldea).
• Wisconsin (ekialdea, nagusiki Milwaukee inguruan).

Kanadako industria eremuak honako hiri hauek barne hartzen ditu: Hamilton, St. Catharines eta Windsor.

Historia

Eskualde honek industriagune gisa gorakada izatearen arrazoia Mendebaldeko Virginia, Tennessee, Kentucky eta Pennsylvania estatuetako ikatz mehatzen hurbiltasunari zor die. XIX. mendean inmigrazioaren fluxu handiak biztanleriaren areagotzea ekarri zuen, Aintzira Handien bidezko ibai garraioak berarekin bat eskualdearen garapena ekarri zuelarik. Eskualde hau herrialde osoan trenbidea izaten lehenetarikoa izan zen.

Manufakturen gainbehera hau globalizazioak eta merkataritza askearen inguruko nazioarteko akordioen orokortzeak sorrarazi zuten. Gutxiago aipatu ohi diren beste eragile batzuk AEBtako garraioa eta barne eredu migratorioen ezartzeak izan ziren. Honela bada, nahiz eta gaur egun energia eta lehengai iturrien hurbiltasuna hain garrantzitsua ez izan, manufakturen gaineko inbertsioaren zati bat herrialdearen barnean soldata baxuagoak dituzten estatuetara lekualdatu da, hots, Eguzkiaren Gerrikoa edo Sun Belt deritzon eremura. Aintzinako Manufacturing Belt (Manufakturen Gerrikoa) eremuaren krisia eta gainbeherak Rust Belt (Herdoilaren Gerrikoa) izendapena askoz ere hedatu eta ezagunagoa izatea ekarri du.

Desindustrializazioaren eraginak

Desindustrializazioak eragin handien izan duen estatua Michigan izan da. Azken 30 urtetan Detroit hiriak bere biztanleriaren erdia galdu zuen, krimen kopuruaren areagotze handi batekin. 2007ko abuztuan %7,4az Michigan estatuak AEBtako langabezia tasa handiena zuen. Detroit hirian langabezia tasa %14 inguruan zegoen, biztanleriaren heren bat txirotasunean bizi zelarik.

Ikus gainera

• Ameriketako Estatu Batuetako ekonomia
• Henry Ford

Erreferentziak

• American Steel, Richard Preston (1991), Prentice Hall. ISBN 0-13-029604-X
• Images of the Rust Belt, James Jeffery Higgins (1999), Kent State University Press. ISBN 0-87338-626-4
• Industrial Sunset, Steven High (2003), University of Toronto Press. ISBN 0-8020-8528-8
• People and folks: gangs, crime, and the underclass in a rust- belt city, John Hagedorn and Perry Macon (1988), Lake View Press. ISBN 0-941702-21-9
• Reorganizing the Rust Belt, Steven Henry Lopez (2004), University of California Press. ISBN 0-520-23565-7
• Revival in the rust belt, Daniel R. Denison and Stuart L. Hill (1987), University of Michigan Press. ISBN 0-87944-322-7.

Kanpo estekak

• Rust Belt eremuaren irudiak

• Datuak: Q781973
• Multimedia: Rust Belt / Q781973