Herdoil

Herdoila edo ugerra hezetasunaren laguntzaz eta korrosioaren eraginez metal gainean sortzen den substantzia da, eta bereziki, burdinaren azalean eratzen den burdin oxido gorrixka.

Herdoilaren koloreak eta testura latza.

Bere tonalitatea aldatu egiten da horixkatik gorrixkara, konposizioaren arabera, burdina zulatzeraino iritsi daitekeena. Ondorengo hidroxido eta burdin oxidoen (III) proportzio aldakorreko nahastea da:

• Oxido hidratatua ${\ce {Fe2O3*(H2O)n}}$, non n zenbaki oso bat den
• Hidroxidoa: ${\ce {Fe(OH)3}}$
• Oxido-hidroxidoa ${\ce {FeO(OH)}}$

Herdoilak sakonki barneratutako piezek egitura-arazo bat dute, oxidatu gabeko metalak baino askoz propietate mekaniko txikiagoak baititu. Hori dela eta, herdoildurak sekzio erresistentea galtzen du eta egitura metalikoak kolapsa ditzake.

Herdoiltzea

Sakontzeko, irakurri: «Korrosio»

Herdoildutako kate bat San Frantziskoko Golden Gate zubian.

Burdinak, korrosioaren ondorioz, oxido eta gatz desberdinak produzitzen ditu eta horrela laranja koloreko geruza bat sortzen da. Erreakzio kimikoen ondorioz gertatzen den korrosioan, airearen oxigenoak eragiten die kaltea metalei, herdoildu egiten baititu. Metal-mota batzuetan, herdoildutako geruza erori egiten da, eta herdoiltze-prozesua behin eta berriro errepikatzen da metala erabat hondatzen den arte. Beste metal batzuetan, berriz, geruza bakarra hondatzen du oxigenoak, eta geruza horrek korrosioaren kontrako babesa ematen dio metalari.

Ikus, gainera

• Altzairu herdoilgaitz
• Corten altzairu

Kanpo estekak

• Datuak: Q184197
• Multimedia: Rust / Q184197