Ireki menu nagusia

Florida parkea Arabako Gasteiz hiriburuaren erdigunean dagoen parke bat da. Hiri honetako Lovaina auzoan kokatzen da, honako kale hauen artean hedatzen delarik: Floridako ibilbidea, Becerro de Bengoa kalea, Cadena y Eleta Apezpikuaren kalea eta Santiago Ramon y Cajal kalea.

Florida parkea
Kiosko de Música.jpg
Florida parkeko kioskoa.
Kokapena
Herrialdea  Euskal Herria
Probintzia  Araba
Herria Gasteiz
Helbidea Floridako ibilbidea, Becerro de Bengoa kalea, Cadena y Eleta Apezpikuaren kalea eta Santiago Ramon y Cajal kalea artean hedatzen da.
Lovaina auzoa
Koordenatuak 42° 50′ 39″ N, 2° 40′ 35″ W / 42.844225°N,2.67641389°W / 42.844225; -2.67641389Koordenatuak: 42° 50′ 39″ N, 2° 40′ 35″ W / 42.844225°N,2.67641389°W / 42.844225; -2.67641389
Arkitektura

Gaur egun 32.454 metro karratuko azalera du eta erdigunean egonik gasteiztarren parke kuttunenetakoa da.

HistoriaAldatu

1820an Birgitarren komentuaren baratzeetan parke honetako eraikuntza-lanak egiten hasi ziren. Gaur egun, XIX. mendeko estilo erromantikoz sortutako parke hau Eusko Legebiltzarraren eraikinaren atzealdean dago.

Parkearen bihotza 1890an eraikitako dantza-kioskoa ere da. Adinekoen leku kuttuna da, bertan izaten dute musika lasaiari segiz dantzan egin eta ezagunekin elkartzeko lekua.

ParkeaAldatu

Parkearen mutur batean Eusko Legebiltzarraren eraikina kokatzen da, hain zuzen ere Becerro de Bengoa kaleko aldean. Gainera, parkearen ipar-ekialdean Gasteizko Katedral Berria eta Arabako Elizbarrutiko Arte Sakratuaren Museoa ere kokatzen dira. Eta parkean bertan Arabako Foru Aldundiaren Ignacio Aldekoa kultura etxea ere badago.

Parkea musika-kioskoa eta hainbat iturri, zubi eta errekatxoz osatua dago. Bestalde, parkean bertan hiriko nahiz nazioarteko hainbat pertsona ezagunen omenezko estatuak daude: Manuel Iradier, Eduardo Dato, Ignacio Aldekoa, Wynton Marsalis...

Parkeko leku ezezagun bezain bitxia koba deritzona da. Harritzarraren barruan sortutako zuloa urtean behin besterik ez da irekitzen; bitartean hesi batek ixten du iluntasunerako atea. Gabonetan irekitzen dute eta parkea Belen erraldoia bilakatzen da, eta, koba, Jesus txikiaren gordeleku. Lastoz eta suz inguraturik Jesus txikia bertan jartzen dute gasteiztarrek bisita dezaten.

Landaredia eta zuhaitzakAldatu

Arkitektura bitxia izateaz gain, Florida parkea landarerian altxorra ere bada. Ehunka zuhaitz eta zuhaixka desberdin daude parkean, horietatik batzuk 150 urtetik gora dituzte.

IruditegiaAldatu

Kanpo loturakAldatu