Durmitorko Parke Nazionala
Durmitor mendiko Parke Nazionala Montenegron dago; parkearen erdian Durmitor mendia dago, Bobotov Kuken 2.522 metroko garaia duena.
| Durmitorko Parke nazionala | |
|---|---|
 Durmitor mendia, parkeko mendirik ezagunena. | |
| Kokalekua | Montenegro |
| Azalera | 39.000 km² |
| Sorrera | 1952 |
IzenaAldatu
Durmitor izena Balkanetan hitz egiten zen erromantze hizkuntza batetik etor daiteke eta "lotia" edo "lo egiten duena" esan nahi du. Garaiko Yugoslavian bazeuden antzeko esanahi zuten beste mendiak: Visitor mendia (< visător, "ameslari") eta Cipitor (< aţipitor, "lotan").[1]
FaunaAldatu
Parkean aurkitu daitekeen fauna aberatsa da, bereziki glaziazio garaikoa:
UgaztunakAldatu
- Hartz arre Ursus arctos
- Otso Canis lupus
- Sarrio Rupicapra rupicapra
HegaztiakAldatu
- Basoilar Tetrao urogallus
- Arrano beltz Aquila chrysaetos
- Aztore-arrano Aquila fasciata
- Arrano txiki Hieraaetus pennatus
- Sai arre Gyps fulvus
- Sai zuri Neophron percnopterus
- Belatz handi Falco peregrinus
- Zuhaitz-belatz Falco subbuteo
- Tengmalm hontz Aegolius funereus
- Hontz handi Bubo bubo
BabespenaAldatu
Durmitor Parke Nazionala 1952an sortu zen, UICN IIko kategoriakoa. 390 km² ditu eta barruan, besteak beste, espazio hauek daude: Durmitor Mendigunea, Tara, Sušica eta Dragaren arroilak eta Kormanikako goi-ordokia. Tara ibaiaren arroilak 80 km luzera du, 1300 metro sakoneraz, munduko horrelako formazio geologikoa bigarren izanik, Coloradoko Arroila Handia (Arizona) lehendabizikoa izanda. 1980tik Gizateriaren Ondarea da, bestetik. Hemezortzi glaziar aintzirak daude inguru honetan, ezagunenak Crno lakua (Laku Beltza) eta Zminje jezero (Zminje Lakua) izanda.
TurismoaAldatu
Durmitor mendia Montenegroko mendi-turismoaren gune nagusia da. Baliabide turistikoak batez ere Žabljak hirian daude. Aktibitate nagusiak eski eta snowboard dira; udan eskalada eta mendi ibilerak.
ArazoakAldatu
- Gizakien presentzia eta turismoaren handitzea faunarentzat eta, orokorrean, ingurumenarentzat kaltegarria da.
- Bosniako gerrak gogor jo zuen hemen ere bai. Adibide moduan, gerra baino lehen 4.000 sarrio zeuden, 2005ean 600 bakarrik gelditzen ziren. Gerra bitartean isileko ehiztariek adarrak kentzeko arma automatikoak erabiliz, triskantza handia egin zuten.[2]
IruditegiaAldatu
Durmitorko Parke Nazionala.
Tara ibaiaren arroila.
.JPG)
.jpg)
ErreferentziakAldatu
- ↑ Room Adrian (2004) "Placenames of the World: Origins and Meanings of the Names for Over 5000 Natural Features" ISBN 0-7864-1814-1 pg. 112
- ↑ Iturri: parc national du Durmitor 2001 / Président Mile Ctijepovic
Kanpo estekakAldatu
- WCMC-UNEP
- Durmitor mendiaren Parke Nazionala
- Durmitor (serbieraz)
- Unescoren webgune ofiziala.
- Tarako arroilan egindako argazkiak.
Datuak: Q3364446
Multimedia: Durmitor National Park
