Cotonou Beningo hiri nagusia da. Estatuko gobernuaren egoitza eta hiriburu ekonomikoa da, hiriburu ofiziala Porto Novo bada ere. Aireportua, trenbidea eta errepide nagusiak ditu, eta estatuko komunikabide nagusia da. Beningo hiru industriatik bi Cotonoun daude.

Cotonou
giza kokalekua
Cotonouskyline.jpg
Administrazioa
Herrialdea  Benin
Probintzia Littoral departamendua
Alkatea Nicéphore Soglo
Geografia
Koordenatuak 6° 22′ N, 2° 25′ E / 6.37°N,2.42°E / 6.37; 2.42Koordenatuak: 6° 22′ N, 2° 25′ E / 6.37°N,2.42°E / 6.37; 2.42
Benin-karte-politisch-littoral.png
Azalera 51 km²
Altuera 221
Demografia
Biztanleria 679.012 (2013)
Dentsitatea 8.595,09 bizt/km²
Informazio gehigarria
Ordu eremua UTC+01:00
Hiri senidetuak Taipei, Lagos, Atlanta eta Žilina
mairiedecotonou.com

Hiria estatuko hego-ekialdean dago, Ozeano Atlantikoaren eta Nokoué aintziraren artean.

KlimaAldatu

      Datu klimatikoak (Cotonou)      
 Hila   Urt   Ots   Mar   Api   Mai   Eka   Uzt   Abu   Ira   Urr   Aza   Abe   Urtekoa 
Erregistraturiko tenperatura maximoa (°C) 32.6 33.2 33.5 33.6 31.5 29.7 29.1 30.0 31.1 32.1 32.3 34.1 34.1
Batez besteko tenperatura maximoa (°C) 30.8 31.6 31.9 31.6 31.0 29.2 28.0 27.8 28.4 29.6 30.9 30.8 30.1
Batez besteko tenperatura (ºC) 27.3 28.5 28.9 28.6 27.8 26.5 25.8 25.6 26.0 26.7 27.6 27.3 27.2
Batez besteko tenperatura minimoa (°C) 23.8 25.4 25.9 25.6 24.6 23.7 23.7 23.4 23.6 23.8 24.3 23.8 24.3
Erregistraturiko tenperatura minimoa (°C) 20.5 21.7 21.8 21.8 21.4 21.2 21.5 21.6 21.4 21.4 22.0 20.8 20.5
Pilatutako prezipitazioa (mm) 9.2 36.8 73.8 137.0 196.9 356.0 147.0 64.9 99.0 126.7 41.4 19.6 1308.3
Prezipitazio egunak (≥ 1.0 mm) 1 2 4 7 11 15 8 5 8 8 4 2 75
Eguzki orduak 213.9 210.0 223.2 219.0 213.9 141.0 136.4 148.8 165.0 207.7 243.0 223.2 2345.1
Hezetasuna (%) 79.0 79.0 77.0 76.5 80.0 84.0 82.5 82.0 82.0 82.0 81.0 81.0 80.5
Iturria (1): NOAA[1]
Iturria (2): BBC Weather(hezetasuna)[2]

BiztanleriaAldatu

2006ko errolda-datuen arabera, 761.137 biztanle zituen, eta 79 km²-ko azalera; hau da, 9.635 biztanle/km²-ko dentsitatea. Hiria azkar hazi da (1960an, 70.000 biztanle besterik ez zuen), eta azkar hazten ari da mendebalderantz. Jotzen da hiriak gaur egun 1.200.000 biztanletik gora dituela.

EkonomiaAldatu

Cotonouko portua Afrikako mendebaldeko portu handienetako bat da. Benin-Niger burdinbidearen bidez, hiria Parakou iparraldeko hiriarekin lotuta dago. Aireportuak estatuko hiri nagusiak lotzen ditu, eta Frantziarekiko komunikazioak ere baditu. Errepidez, Nigeria, Burkina Faso, Niger eta Togorekin lotuta dago.

HistoriaAldatu

XIX. mendearen hasieran, Cotonou arrantzale-herri txiki bat zen, eta Dahomeyko erresumaren mende zegoen XVIII. mendeaz geroztik. 1851n frantsesek hitzarmen bat sinatu zuten Dahomeyko Ghezo erregearekin, eta baimena lortu zuten merkataritza-postu bat ezartzeko Cotonoun. 1868an, beste itun baten bidez, Dahomeyk Frantziari eman zion lurraldea. 1883an, frantses armadak hiria hartu zuen, britainiarrek eskualdea menperatzea eragozteko. Geroztik, hiria azkar hazi zen.

Herri eta hiri senidetuakAldatu

Cotonou ondorengo herri eta hiriekin senidetuta dago:

ErreferentziakAldatu

  1. National Oceanic and Atmospheric Administration. Cotonou, Benin Climate Normals 1961-1990. .
  2. BBC Weather. Average Conditions Cotonou, Benin. .
  3. (Ingelesez) Taipei City Council. . Noiz kontsultatua: 2018-07-20.

Kanpo estekakAldatu