Cáceresko probintzia
Cáceresko probintzia (gaztelaniaz: provincia de Cáceres; portugesez: província de Cáceres; extremadureraz: provincia de Caçris; falaz: provincia de Cáciris) Espainiako probintzia bat da. Extremadurako autonomia erkidegoan kokatuta dago. 2005. urtean, probintziak 412.580 biztanle zituen. Hiriburua Cáceres hiria da.
| Cáceres | |||
|---|---|---|---|
| Extremadura | |||
| |||
| Administrazioa | |||
| Estatua |  Espainia | ||
| Erkidegoa | Extremadura | ||
| Hiriburua | Cáceres | ||
| ISO 3166-2 | ES-CC | ||
| Espainiako Gorteak | |||
| Kongresuan | 4 / 350 | ||
| Senatuan | 4 / 260 | ||
| Geografia | |||
| 39°40′01″N 6°00′00″W / 39.667°N 6°W | |||
 | |||
| Azalera | 19.868 km² Espainiaren % 3,94 | ||
| Demografia | |||
| Biztanleria | 412.899 biztanle (2006) Espainiaren % 0,94 | ||
| Dentsitatea | 20,77 bizt/km² | ||
| Herritarra | cácerestar | ||
| www.dip-caceres.es | |||
Geografia
aldatuProbintziaren iparraldeko muga naturala Gredosko mendilerroa zeharkatzen duen ekialde-mendebaldeak osatzen du, Erdialdeko Sistemaren zati dena. Cáceresko iparraldeko haranen artean daude Jerteko harana, La Verako haitzarteak, Ambrozko harana, eta Las Hurdes, mendiko ibaiekin eta igerileku naturalekin. Hegoaldeko muga Toledoko mendiek osatzen dute. Probintziaren gainerakoa lautada bat da, Tajo ibaia eta honen ibaiadarrak zeharkatzen dituena. Mendiak aberatsak dira eta 1979an parke natural bat sortu zen Monfragüen.[1]
Iparraldean Salamanca, hegoaldean Badajoz, ekialdean Toledo eta mendebaldean Hegoaldeko Beira Interior (Portugal) mugakide ditu.
Banaketa administratiboa
aldatuProbintziak 223 udalerri ditu. Probintzian funtzio administratiborik ez duten eskualde tradizionalak La Villuerca, Las Hurdes eta Monfragüe dira. Las Hurdes Espainiako eskualde pobreenetako bat izan zen.[1]
Hona hemen probintziako udalerri nagusiak:
| Udalerri nagusiak | |||||||
|---|---|---|---|---|---|---|---|
| Posizioa | Udalerria | Biztanleria | |||||
| 1 | Cáceres | 93.131 | |||||
| 2 | Plasencia | 41.148 | |||||
| 3 | Navalmoral de la Mata | 17.228 | |||||
| 4 | Coria | 12.896 | |||||
| 5 | Miajadas | 10.338 | |||||
| 6 | Trujillo | 9.822 | |||||
| 7 | Talayuela | 9.222 | |||||
| 8 | Moraleja | 7.998 | |||||
| 9 | Arroyo de la Luz | 6.517 | |||||
| 10 | Jaraíz de la Vera | 6.467 | |||||
Demografia
aldatuHona hemen biztanleriaren bilakaera:
Ekonomia
aldatuLautada emankorra da, eta ureztatzea zerealak, tabakoa, tomatea, piperrak eta gereziak hazteko erabiltzen dute, baita ganadua eta txerriak ere, nekazaritzako produkturik garrantzitsuenetako batzuk bezala. Gabriel y Galán urtegiak, Alagón ibaian, energia hidroelektriko gehiena sortzen du probintziarako.[1]
Espainiako hirugarren instalazio fotovoltaiko handiena (Nuñez de Balboa 500 MWko eguzki-plantaren eta 493 MWko Mula proiektuaren ondoren) Talavanen dago.
Kultura
aldatuHizkuntzak
aldatuProbintziaren zatirik handieneko berezko hizkuntza gaztelania da, hizkuntza ofizial bakarra. Bertako gaztelaniaren aldaerari castúo deritzo.
Probintziaren ipar-mendebaldean eta Salamancakoaren hegoaldean, extremeñozko hiztunak badira, asturleonera eta gaztelaniaren arteko hizkuntza modalitatea.
Probintziaren ipar-mendebaldeko Jalamako ibarrean, berriz, galizierarekin edo portugesarekin lotutako Extremadurako falaren hiztunak daude.
Enklabe batzuetan, halaber, portugesa ere mintzatzen da.
Kirolak
aldatuProbintziaren futbol talde nagusia Cacereño da, gaur egun Bigarren Federazioan jokatzen duena.
Erreferentziak
aldatu- ↑ a b c (Ingelesez) Cáceres. in: Encyclopædia Britannica..
Kanpo estekak
aldatu
Datuak: Q81977
Multimedia: Province of Cáceres / Q81977
