Ireki menu nagusia

Berreaga mendilerroak Txorierri eta Butroe haranak banatzen ditu. Bere mendirik altuenak 364 metroko altuera du. Berreaga mendiak muga egiten du Derio, Zamudio, Mungia eta Gamiz-Fika herrien artean.

Berreaga/Berreagamendi
Datu orokorrak
Garaiera 364 m
Geografia
Koordenatuak 43° 19′ 03″ N, 2° 51′ 08″ W / 43.3175°N,2.85222222°W / 43.3175; -2.85222222Koordenatuak: 43° 19′ 03″ N, 2° 51′ 08″ W / 43.3175°N,2.85222222°W / 43.3175; -2.85222222
Herria Euskal Herria
Mendikatea Berreagako mendilerroa
Herrialdea Espainia
Lurraldea Bizkaia
Mendizaletasuna
Ohiko bidea Artebakarratik

Igotzeko hiru bide nagusi daude: Derioko Artebakarra auzotik, Mungiako Laukariz auzotik eta Zamudioko Geldo auzotik.

2013ko uztailaren 16an Eusko Jaurlaritzak bertoko Herrixka Gotortuaren eta Nekropoliaren Gune Arkeologikoa monumentu izendatu zuen, Sailkatutako Kultura Ondasuna[1].

NekropoliaAldatu

Gotortutako esparrua Bizkargi menditik Txorierriko harana inguratzen duen mendikatean kokatuta dago, Mungiarekin muga egiten duen ipar aldean hain zuzen ere. Oso kota altuak ez eduki arren, halako goi-talaia moduko bat da, mendikatearen alde bietara dagoen ikuspegia menderatzen duena. Gainera, haranaren luzera-ibilbidea kontrolatzen du, bai eta inguru honetatik Artebakarra mendatean zehar Mungiara igarotzeko pasabidea ere.

Ingurua gaur egun pinudiz eta bestelako zuhaiztiez estalita dago, gehienak zuhaitz-landaketak. Toki batzuetan, ipar-ekialdeko aldean batik bat, sastrakak ikuspegia eta sarbidea eragozten ditu.

Bertan ez dago azpiegiturarik edo eraikinik, salbu eta gaur egon oso txarto dauden mendi-pista batzuk bai Geldosetik edo Laukarizetik doazenak eta Lezamatik gailur-lerro osoa kurritzen duen bidea.

Gaur egun ikus daitezkeen herrixkaren hondakinen artean, ipar-ekialdeko aldeko harresi-zatiak aipa litezke, ilara batzuk agerian dituztenak, bai eta hilobi-zista bat aire zabalean, hego-mendebaldeko beste muturrean, baina batzuk zein bestea landaredi sarriak erdi estaliak daude. Egindako esku-hartzearen ondorioz, harresiaren hego-mendebaldeko ertza ere ikusgai dago gaina zeharkatzen duen pistatik, harresiaren zatia baita pistan dagoen gainazaleko harrien lerrokatzea.

ErreferentziakAldatu


  Artikulu hau Bizkaiko geografiari buruzko zirriborroa da. Wikipedia lagun dezakezu edukia osatuz.
Euskarazko Wikipedian bada atari bat, gai hau duena:
Euskal Wikiatlasa