Leonardo de Figueroa

Leonardo de Figueroa
Bizitza
Jaiotza	Utiel, 1650
Herrialdea	Gaztelako Koroa ; Aragoiko koroa
Heriotza	Sevilla, 1730eko apirilaren 9a (79/80 urte)
Familia
Seme-alabak	ikusi Ambrosio de Figueroa (en) ; Matías de Figueroa (en) ;
Leinua	Figueroa family (en)
Hezkuntza
Hizkuntzak	gaztelania
Jarduerak
Jarduerak	arkitektoa
Lan nabarmenak	ikusi San Salbador eliza;

Leonardo de Figueroa (Utiel, Valentzia, 1650-Sevilla, 1730), XVII. mendearen amaierako urteetan eta XVIII. mendearen hasierakoetan, Sevillan zenbait komentu eta eliza eraiki zituen arkitekto bat izan zen.

Biografia aldatu

1670 eta 1675 bitartean, jada Sevillan dagoela ezagutzen da, non igeltsero lanbidean lanean ari den. Hiri honetan biziko da bere gainontzeko bizitzan, eta arkitekto bezala ospetsu egingo da. Bere lehen lan garrantzitsua, Sevillako Hospital de los Venerables izan zen, honen eraikuntza zuzenduz 1686 eta 1696 bitartean.

1682an, Hospital de la Caridad izeneko ospitalearen lanak jarraitzeaz arduratzen da, ziur asko patiokoak, non beste espainiar ospitaleen sistema tradizionalaren arabera, Toledoko Taveraren Ospitalea kasu, bi patio biki sortzen dituen galeria bat eraikitzen duen.

1691 eta 1709 bitartean, San Pablo El Real komentu domingotarreko eliza eta klaustroaren eraikuntzan lan egin zuen. Eliza, egungo Santa Maria Magdalenaren parrokia da. Jada desagertua dagoen klaustroa, 1950eko hamarkadan botatzen amaitu zen. Gurutzaduraren elkargunean egin zuen oktogono formako kupula ausarta nabarmentzen da. Bere lanaren izaera biziki apaingarria eta oso polikromatuak, distira handia hartzen du tenplu honen kanpoaldean zein barrualdean, non tailaturiko adreilua, kolore biziko azulejuak, igeltseriak eta margolan apaingarriak tartekatzen diren.

1696 eta 1712 bitartean, El Salvadorreko Elizaren ganga, kupula, fatxada eta dorrean lan egin zuen. Tenplu honek, berriki zaharberritua izan ondoren, bere distira guztia berreskuratu du.

Azkenik, bere maisulana, San Luis de los Francesesen Eliza izan zen. 1691tik aurrera eraikia, oinplano zentralekoa izatearen berrikuntza du, ardatzetan abside erdizirkularrak dituela, Erromako Navona Plazan dagoen Santa Inesen elizaren imitazio bezala.

Bere semeetako bi, Matías José de Figueroa eta Ambrosio de Figueroa ere arkitektoak izan ziren, eta euren aitaren lanaren jarraitzaileak. Ambrosioren semea, Antonio Matías de Figueroa, familiako azken arkitektoa izan zen.

Parte hartu zuen lanak aldatu

Hospital de los Venerables
San Pablo El Real komentuko eliza, gaur egun Santa Maria Magdalenaren Eliza dena.
San Pablo El Real komentuko klaustroa, gaur egun desagertua dagoena.
El Salvadorreko Eliza
San Luis de los Francesesen Eliza
Mesdeetako antzinako komentuko klaustroa, gaur egun, Sevillako Arte Ederren Museoa dena.
Santa Catalinaren Elizako Sakramentu Kapera
San Telmoren Jauregia
San Acasioren antzinako komentuko patioa
Hospital de la Caridad