Belea izenarekin Corvus generoko zenbait hegazti izendatzen dira, esaterako[1]:

Bele
Sailkapen zientifikoa
ErreinuaAnimalia
FilumaChordata
KlaseaAves
OrdenaPasseriformes
FamiliaCorvidae
Generoa Corvus
Linnaeus, 1758
Azpibanaketa
Ikusi testua
Datu orokorrak
Luzera27 in eta 17,5 in

Usoaren antzeko hegaztia da, burua, hegoak eta buztana beltzak dituena.

Ezaugarriak aldatu

Belea, usoaren antzekoa da, baina hura baino handiagoa, eta burua, hegoak eta isatsa beltzak ditu. Mokoa lodia du, kono itxurakoa, burua baino luzeagoa; isatsa ertz biribildua du. Hegoek metro beteko luzera izaten dute.

Mendietan, zuhaitz altuetako basoetan eta itsasbazterretako amildegietan bizi da. Ikaratia izaten da eta norbait habiara hurbilduz gero segituan alde egiten du beldurtuta; jende gutxi bizi den herrietara hurbiltzen da. Ez da beste espezietako hegazti taldeekin nahasten.

Edozein motatako landareak eta animaliak jaten ditu; udan arrainak ere jaten ditu. Talde bereko hegaztiren bat gaixoturik aurkituz gero, jan egiten du.

Errunaldian arrak borrokan aritzen dira emea bereganatu nahian. Ugalketa denbora gutxian egiten du; habiak otsailean egiten ditu eta martxorako erruten arraultzak. Habiak zuhaitz garaien buruan edo haitzetan egiten ditu.

Bele bikoteak lurralde bat aukeratu eta bertan geratzen dira hil arte. Maiatzaren bukaeran edo ekainean uzten dute habia umeek.

Gaztetan hartuz gero belea zakurraren antzera hezi daiteke.

Europan, Asian eta Ameriketako iparraldean bizi da.

Corvus generoko egungo espezie eta azpiespezieak[2] aldatu

Iraungitako espezie eta azpiespezieak aldatu

Irudi galeria aldatu

Erreferentziak aldatu

  1. Elhuyar hiztegia[Betiko hautsitako esteka]
  2. Clements, J. F., T. S. Schulenberg, M. J. Iliff, B.L. Sullivan, C. L. Wood & D. Roberson. (2011). The Clements checklist of birds of the world: Version 6.5. The Cornell Lab of Ornithology.

Ikus, gainera aldatu

Kanpo estekak aldatu