Baranbio

Baranbio Arabako herria da, Amurrioko udalerrikoa. Iparraldean Arbaitza (Orozko), hegoaldean Ziorraga, mendebaldean Lezama eta ekialdean Orozko berriro ere eta Gorbeiako mendilerroa mugakide ditu. 1976 arte Lezama udalerriaren zati izan zen.

Baranbio
Euskal Herria
Kokapena
Herrialdea	Araba
Udalerria	Amurrio
Herritarra	baranbioar
Geografia
Koordenatuak	43°02′55″N 2°55′15″W
Garaiera	269 m

Demografia

Baranbioko biztanleria

Garraioa

Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 3 Amurrio Urduña Tertanga • Delika • Artomaña • Aloria • Urduña (geltokia) • Lekamaña • Saratxo • Inoso • Ziorraga • Baranbio • Lezama • Larrinbe • Amurrio (gasolindegia) • Amurrio (geltokia) Amurrio Urduña

Ondasun nabarmenak

Baranbioko eliza.

• Jasokundeko Amaren eliza.
• Garrastatzuko amaren baseliza.
• Jauregia dorrea: Altube eta Bergantza ibaiek bat egiten duten puntuan dago. 1625 urtean Hortuño de Ugarte y Martinez de Iturriaga zen dorrearen jabea. XVIII. menderarte Ugartetarren dorrea izan zen, ondoren Lekandetarrak eta Arriagatarrak bizi izan ziren bertan.

Ahuntz Eguna

1996tik herrian "Ahuntz Eguna" ospatzen dute ekainaren aldean, animalia honen inguruko azoka antolatuz. Ekitaldien artean, Gorbeia aldeko arrazak diren Azpizuri eta Azpigorriren arteko lehiaketa eta Garrastatxuko baselizara egindako ibilaldia ditugu, besteak beste.

Belaiki

Belaiki herriko euskara elkartea da, Baranbio eta Amurrioko euskaldunak eta euskaltzaleak biltzeko asmoz sortutakoa.

Baranbioar ezagunak

• Jesus Etxebarria (1916-2009), eskultorea.
• Serapio Lopez (1960- ), bertsolaria.

Bibliografia

• Alava, pueblo a pueblo. Jose Luis Sáenz de Ugarte (1983). Caja Provincial de Álava - Arabako Kutxa
• Merino, Aketza (2019): Aiaraldeko euskararen historia (VI): Euskararen galera Baranbion, Aiaraldea.eus

Kanpo estekak

• (Gaztelaniaz) Baranbiori buruzko informazioa Amurrioko Udalaren webgunean

• Datuak: Q2883811
• Multimedia: Baranbio / Q2883811

Euskarazko Wikipedian bada atari bat, gai hau duena: Euskal Wikiatlasa