Arene Candide
Arene Candide Finale Ligure udalerriko ( Savona probintzia ) aztarnategi arkeologiko bat da, Italiako Liguria eskualdean. K.a. 26.000 urteko Paleolitotik Bizantziar arorainoko aztarnak arte aurkitu dira leizeko estratoetan. Haitzuloaren bosten bat baino ez da induskatu eta maila baxuenetan Neandertalen garaiko artefaktuak daudela uste da.
| Arene Candide | |
|---|---|
 | |
| Datuak | |
| Estatu burujabe |  Italia |
| Eskualdea |  Liguria |
| Probintzia | Savonako probintzia |
| Italiako udalerri | Finale Ligure |
| Koordenatuak | 44°09′44″N 8°19′42″E / 44.1623257°N 8.3282707°E |
 | |
| Garaia | Paleolito, Neolito, Brontze Aroa, Burdin Aroa, Antzinate klasikoa eta Bizantziar Inperioa |
Aurkikuntza nabarmenak aldatu
Paleolitoko 19 ehorzketa dira aztarnategiko aurkintza nabarmenena, horietako batzuk hilobi-ondasun aberatsekin. Bereziki, duela 23.000 urte inguru lurperatu zuten Il Principe (printzea edo printze gaztea) izenez ezagutzen den gizona nabarmentzen da: 400 urtxintxa-larruz egindako larruzko kapa bat jarri zioten, eta hari josiak [1] 423 urtxintxa isats-hezur jarri zizkioten. [2] Gorpua okre gorrizko geruza baten gainean zegoen jarrita, eta eskuetan suharrizko zetro edo arma moduko bat zeraman[3]. Molusko oskolezko piezak, orein hortzak, suharri pieza bitxiak eta elur-oreinen adarrak ere bazeuden printzearen hilobian.
Apainduraren aberastasunak paleolito garaiko estraitifikazio sozialaren falta zalantzan jartzen duen Europako hilobietako bat da Arene Candidekoa. Alde horretatik, eta Sungirren, Errusia iparraldean, aurkitutako ehorzketekin eta Okzitaniako Saint-Germain-de-la-Rivièreko damarekin lotzen da aurkikuntza hau[4].
Erreferentziak aldatu
- ↑ Art. Mantel, in: Reallexikon der Germanischen Altertumskunde, Band 19, hier: S. 239.
- ↑ Catherine Panter-Brick: Hunter-Gatherers. An Interdisciplinary Perspective, Cambridge University Press 2001, S. 52.
- ↑ «Mapa de yacimientos con evidencias de enterramientos o rituales funerarios durante el periodo Gravetiense.» Mapa de yacimientos con evidencias de enterramientos o rituales funerarios durante el periodo Gravetiense. (Noiz kontsultatua: 2022-01-31).
- ↑ (Ingelesez) Graeber, David. (2021). «3. Unfreezing the Ice Age» The dawn of everything : a new history of humanity. ISBN 978-0-374-72110-7. PMC 1284998482. (Noiz kontsultatua: 2022-01-31).
Kanpo estekak aldatu
Datuak: Q642002
Multimedia: Caverna delle Arene Candide / Q642002
