Amazigera

Amazigera, berberera
	Berbere hizkuntzen hedapena.
Datu orokorrak
Lurralde eremua	Maroko eta Aljeria batez ere; hizkuntza komunitate txikiak: Tunisia, Libia, Egipto, Mauritania, Melilla, Niger eta Mali
Hiztunak	42 milioi
Eskualdea	Iparraldeko Afrika
Hizkuntza familia
	giza hizkuntza; hizkuntza nostratikoak; afroasiar hizkuntzak
Informazio filologikoa
Hizkuntza-tipologia	aditza-subjektua-objektua, hizkuntza isolatzailea eta hizkuntza fusionatzailea
Hizkuntza kodeak
ISO 639-2	ber
Glottolog	berb1260

Amazigera^[1] edo berberera^[2] (jatorrizko izena: tamaziɣt, ⵜⴰⵎⴰⵣⵉⵖⵜ) berbereek mintzatzen dituzten afroasiar hizkuntza kamitikoei ematen zaien izena da.

Hizkuntzaren izenaAldatu

Hizkuntza izendatzeko berberera izan da ohiko forma. Berberera izena, hala ere, arabieraren hiztunek berbereen hizkuntza gutxiesteko erabiltzen zuten: "ber ber egiten dutenak" da izen honen jatorria, hau da, "hitz egiten ez dakitenak". Hala ere, egun tamazight ere erabiltzen da, hau da, amazigek beren hizkuntzari ematen dioten izena; edo —euskarara egokituta— amazigera. Tamazight amazigh hitzaren femeninoa da (amazigeraz, izenari t-...-t erantsiz, femenino bihurtzen da), arabieraz bezala amazigeraz hizkuntzak femenino direlako.

Berberera Marokon eta Aljerian (Kabilia eskualdea) hitz egiten da batik bat, baina hizkuntza komunitate txikiagoak baditu Tunisia, Libia, Egipto, Mali, Mauritania, Melilla (Espainia) eta Nigerren ere. Antzinatean, arabiera Afrika iparraldera iritsi aurretik, kontinenteko iparralde guztian mintzatzen zen berberea, baita Kanarietan ere (guantxea).

IdazkeraAldatu

Gaur egun, bereber hizkuntzetan hiru idazketa sistema daude, amazigha barne: neo-tifinagh-a, latindarra eta arabiarra. Hein batean, idazketa sistemaren aukeraketa politikoa da, askotan ideologikoki egiten baita bataren edo bestearen alde.^[3]

STOP seinalea arabieraz eta amazigeraz.

Amazigeraren aldaerakAldatu

Amazigera, gaur egun, elkarrengandik urrun eta hainbat lurraldetan banaturik dauden zenbait hizkuntz komunitatek erabiltzen dute. Sakabanaketa horren eraginez, egun lau aldaera nagusi hauek ditu, hiztun kopuru hauekin (Hayward 2000: 76):

Marokoko iparmendebaldean, Aljeriako iparraldean, Tunisian eta Libian: xluh edo taxelhit (3.000.000), tamazight aldaera (3.000.000) eta tarifit (2.000.000), hirurok Marokoko Rifean; eta kabiliarra edo taqbaylit (3.074.000) eta taxawit edo xawia, Aljerian.
Ekialdeko Libian (awjilah, 2.000) eta Egiptoko Siwa oasian (siwa, 5.000).
Sahara-Sahel aldeko nomaden dialektoak (Aljeria, Niger, Mali eta Burkina Faso): tamahaqt edo tamajeq, tuaregen mintzaira (25.000-76.000).
Mauritanian: zenaga (25.000).

EzaugarriakAldatu

FonologiaAldatu

Berber hizkuntzak silabako nukleorik behar ez duen egitura fonologikoa dute. Kontsonanteen inbentarioari dagokionez, barietatearen araberakoa da eta ez dago adituen arteko adostasunik. O. Ouakrim-ek inbentario hau proposatzen du soinu ezberdinen ezaugarri fonetikoen neurri enpirikoetan oinarrituta:^[4]

	Ezpainbikari	Hortzeko	Albeolar	Pst. Alb	Sabaikari	Belar	Ubular	Faringeko	Glotal
Inplosibo	- / b	t / d				k / g	q / -
Koartikulatu		tˁ / dˁ .	sˁ / zˁ	- / ʒˁ		kʷ / gʷ xʷ / -	qʷ / - - / ʁʷ
Igurzkari	- / f		s / z	ʃ / ʒ		x / -	- / ʁ	ħ / ʕ	- / ɦ
Sudurkari	m	n
Hurbilkari			l, ɾ		j	w

Kontsonante koartikulatuetan, / ʷ / zeinuak kontsonante ezpainbikarituak adierazten ditu, eta / ˁ / zeinuak laringizatutako kontsonanteak adierazten ditu. Aurreko kontrasteez gain, kontsonante batek artikulazio "tentsoa" eta "lausoa" izan dezake (tradizionalki konsonante bikoitzak edo "geminatuak" gisa idazten dira).

MofologiaAldatu

Berbererazko erroak, Afroasiako beste hizkuntzetan bezala, "hezurdura" konsonantiko finko batez osatuta daude, eta bertan txertatzen diren bokalei esker forma jokatu desberdinak lor daitezke, izenetan eta aditzetan. Artizkiak gehitzeko prozedura morfologiko hau, beste hizkuntza-familia batzuetan arraroa dena, aurrizki eta atzizki ugari gehituta ere osatzen da. Erro gehienek 2 edo 3 kontsonante dituzte, baina 1 eta 4 kontsonantedunak ere badira. Morfologikoki ere, ohikoaizaten da kontsonante bat ahultzea edo indartzea prozedura morfologiko gisa.

Izenean, genero gramatikalak bereizten dira bi balore posibleekin: maskulino eta femenino. Izen maskulinoak maiz bokal batekin hastzen dira; genero femeninoa -t atzizkiarekin edo t- aurrizkiarekin markatzen da, edo biekin batera t -...- t zirkunizkiarekin. Hizkuntz indoeuroparrek ez bezala, aditzek markak ditu subjektuaren generoa ere adierazteko.

Izenen deklinabideaAldatu

Berber hizkuntzek genero gramatikala dute, atzizkiz edo bokal-aldaketez markatzen dena. Antzeko prozedurekin markatzen da pluraltasuna. Taula honek generoaren eta pluraltasunaren deklinabidearen forma tipikoak erakusten ditu:

GLOSA	maskulino singular	maskulino plural	femenino singular	femenino plural
'hori'(kolorea)	awaraɣ	iwaraɣen	tawaraɣt	tiwaraɣin
'handi'	ameqqran	imeqqranen	tameqqrant	timeqqranin
'txiki'	amezˁyan	imezˁyanen	tamezˁyant	timezˁyanin
'luze'	azegral	izegralen	tazegralt	tizegralin
'hotz'	asˁemmadˁ	isˁemmadˁen	tasˁemmadˁt	tisˁemmadˁin

Taulan hizkuntza afroasiarren ezaugarri tipiko bat ikusi dezakegu: t- / -t hizkiak femeninoaren marka dira.

Aditzak jokatzenAldatu

-k atzizkia bigarren pertsonaren marka gisa erabiltzen dela aipa daiteke. Bestela bide asko erabiltzen dira: aurrizkiak, atzizkiak edota barruko patroi bokalikoen bitartez ere markatu daiteke pluraltasuna.

Sintaxia

Berber hizkuntzak VSOren osagaiak dituzte, nahiz eta SVO ere aurkitu daitekeen. Hizkuntzak nukleo markatu baino joera handiagoa du osagarria edo adjuntua markatzeko. Preposizioak ditu. Izan ere, bitxia da hitz bat beste hitz baten menpean dagoela adierazteko partikula bat edo "atxikitze egoeraren" forma morfologiko berezi bat dagoela. Hori oso nabarmena da, adibidez, subjektua aditzaren atzetik datorrenean:

(1a) War teqqar twessart ca i ḥad

Ez esan atso zerbait norbaiti

'Atsoak ez dio inorri ezer esaten'

(1b) Tawessart war teqqar ca i ḥad

Atso ez esan zerbait norbaiti

'Atsoak ez dio inorri ezer esaten'

Aurreko bi esaldietan, "atso" hitzak forma desberdinak hartzen ditu, aditzaren ondoan dagoen edo ez kontuan hartuta.

Lexikoaren aldaketak aldaeren arteanAldatu

Honela esaten dira zenbakiak aldaera batzuetan:

GLOSA	Kanarietakoa	Berberera septent.	Berberera tuareg	Berberera zenaga	Berberera ghadam	PROTO- BERBERERA
'1'	*wən	*iggən	*iyːən	(nʌy)yu n	yuːn	*iwan
'2'	*ɬin-	*siːn	*əsːin	ʃin(ʌn)	sən	sin- (<θin-?)
'3'	*amiay	*qrɑdˤ	*kɐrɑdˤ	ka a-	kaːrəd	*krad
'4'	*akod	*kuzˤ	*əkːuzˤ	akku-	aqquz	*ak-kuzˤ
'5'	*sɨmus-	*səmːus	*səmːus	ʃʌmmuʃ	semːəs	*səmːus
'6'	*se-	*sdˤis	*sədˤis	ʃuiʃ	suz	*sudˤis
'7'	*sa-	*sa	*əsːa	iʃʃʌh	saː	*i-sa
'8'	*tam(a)	*tˤam	*ətːɑm	ittʌm	taːm	*i-tam
'9'	*aldamɑraw	*tzˤa	*təzˤa	tuah	təsuː	*tuzˤa
'10'	*mɑraw(a)	*maraw	*mǎrɑw	mʌrʌɡ	maraw	*maraw

Ikus, gaineraAldatu

Guantxera

ErreferentziakAldatu

↑ 38. araua - Munduko estatu-izenak, herritarren izenak, hizkuntza ofizialak eta hiriburuak Euskaltzaindia . Noiz kontsultatua: 2010-12-23.
↑ Hiztegi Batua, Euskaltzaindia. Eskuratze data: 2011-03-17.
↑ Garabide «Amazigha» Garabide . Noiz kontsultatua: 2019-02-13.
↑ Omar., Ouakrim, (1995) Fonética y fonología del bereber Universitat Autònoma de Barcelona, Servei de Publicacions ISBN 844900280X PMC 34212447 . Noiz kontsultatua: 2019-02-27.

HAYWARD, R. J. (2000): “Afroasiatic”, in HEINE, B. i D. Nurse (2000): African languages. An introduction, Cambridge: Cambridge University Press, 74-98 orr.

Kanpo estekakAldatu

Datuak: Q25448
Multimedia: Berber language

[1] 38. araua - Munduko estatu-izenak, herritarren izenak, hizkuntza ofizialak eta hiriburuak Euskaltzaindia . Noiz kontsultatua: 2010-12-23.

[2] Hiztegi Batua, Euskaltzaindia. Eskuratze data: 2011-03-17.

[3] Garabide «Amazigha» Garabide . Noiz kontsultatua: 2019-02-13.

[4] Omar., Ouakrim, (1995) Fonética y fonología del bereber Universitat Autònoma de Barcelona, Servei de Publicacions ISBN 844900280X PMC 34212447 . Noiz kontsultatua: 2019-02-27.

[1]

[2]

[3]

[4]