Aleksandr Mostovoi

Aleksandr Mostovoi
	; Irudi gehiago
Bizitza
Jaiotza	Lomonosov (en) , 1968ko abuztuaren 22a (55 urte)
Herrialdea	Errusia ; Sobietar Errepublika Sozialisten Batasuna
Hezkuntza
Hizkuntzak	errusiera
Jarduerak
Jarduerak	futbolaria
Ibilbidea
	Parte-hartzailea 2002ko Munduko Futbol Txapelketa ; 1994ko Munduko Futbol Txapelketa ; UEFA Euro 2004 ; UEFA Euro 1996 ;
Posizio edo espezialitatea	erdilaria
Pisua	75 kilogramo
Altuera	177 zentimetro
Jasotako sariak	ikusi Master of Sport of the USSR, International Class ;

Aleksandr Vladimirovitx Mostovoi (errusieraz: Александр Владимирович Мостовой; Lomonosov (SESB), 1968ko abuztuaren 22a - ) errusiar futbolari ohia da eta Real Club Celta de Vigon eman zuen gehien bat bere lana, Espainiako futbol ligako lehen mailan, alegia. Egun, kirol-zuzendaria da Marbella Fútbol Club-ean.

Biografia eta lana aldatu

Aleksandr Mostovoi Leningradoko Lomonosoven (SESB) jaio zen, (SESB), 1968ko abuztuaren 22an.

«

...Beti nengoen baloiarekin jolasean, txiki-txikitatik, Moskuko kaleetan. Eskolatik atera eta ez zegoen beste zer eginik, egun eta gau, ez jan, ez edan... Baloia eramaten nuen edonora; baita bidaiatzen nuenean ere...^[1]

»

Horrela kontatzen ditu bere lehen urte haiek:

«

1970eko hamarkada gogorra izan zen SESBen. Diziplina zorrotza eta ezin ezertxo ere erosi. Ama ile-apaintzailea nuen eta aita, berriz, argiketaria. Egun osoa ematen zuten lanean. Ez genuen telefonorik, ezta telebistarik ere etxean. 16 urte nituela, eskola utzi nuen, Hirugarren mailako ekipoak deitu zidalako. Handik joan nintzen FC Spartak Moskura, Udalaren ekipora. Hortxe geratu nintzen...^[1]

»

Berehala erakarri zuen arreta FC Spartak Moskun eta frantses ekipotara egin zuen salto: Stade Malherbe Caen Calvados Basse-Normandie eta RC Strasbourg Alsacen. SL Benficara ere joan zen, Lisboara, baina ez zitzaion uste bezain ondo atera^[2].

1996an, Real Club Celta de Vigok ekarri zuen frantses klubetik, 325 milioi pezetaren truke. Han 8 denboraldi pasa eta gero, Balaidosko tsarra idolo bilakatu zen Vigoren zaleentzat.

Hiru liga egin zituen Errusian, bat Portugalen eta kopa bat ere bai. Intertoto Kopa ere jaso zuen RC Strasbourg Alsacekin. Real Club Celta de Vigorekin Intertoto kopa jaso zuen 2000n eta Erregearen koparen finalera ere iritsi ziren -Zaragozaren aurrean galdu bazuen ere-.

Real Club Celta de Vigon, Mostovoi 1996tik 2004ra arte egon zen eta ekipo horretako jokalari hoberenetarikoa izan zen.

Hala ere, Alexander Mostovoi afizioaren erreferente izan bazen ere, tenperamentuak faktura pasatu zion era berean; Real Sporting de Gijónen zelaia utzi zuen lesioa zuela-eta, baina garaian kapitain zen Patxi Salinasek itzularazi zuen. Gazi-gozoak alboratuz, bera izan zen Espainiako futbol ligako lehen mailan partida gehien jokatu zituen jokalaria.

36 urte zituenean eta 7 bat hilabete jokatu gabe, 2005eko martxoan, Mostovoik kontratua sinatu zuen Dmitri Pitermanekin denboraldi bukatu arte Deportivo Alavésen jokatzeko.

Lehen partida, bakarra izango zena, Cádiz Club de Futbolen aurka izan zuen. 78. minututan sartu zen jokuan eta, falta ziren 12 minutu eta 5eko luzapenen artean, berak sartu zuen partidan izango zen tanto bakarra. Ia-ia bigarrena ere sartzekotan egon zen, baina ez zuen lortu eta Deportivo Alavések 1-3 galduko zuen.

30 egun egon ondoren, ekipoa uzteko erabakia eman zuen jakitera, bizkarreko arazoak zituela-eta. Orduan hartu zuen erretiroa.

Selekzioa aldatu

65 alditan izan zen nazioarteko. 15 partida jokatu zituen SESBeko selekzioan eta beste 50 Errusiakoan^[3]. 2004an jokatu zuen azken partida selekzioarekin; Eurokopa hartan, 1-0 galdu zuten Espainiaren aurka. Mostovoik kritikak egin zizkion prestakuntzari eta Georgi Jartsev errusiar hautatzaileak bota egin zuen selekziotik^[2].

Munduko kopak aldatu

Mundial	Egoitza	Emaitza
1994ko Munduko Futbol Txapelketa	AEB	Lehen fasea
2002ko Munduko Futbol Txapelketa	KOR eta JPN	Lehen fasea

Eurokopak aldatu

Eurokopa	Egoitza	Emaitza
UEFA Euro 1996	ENG	Lehen fasea
UEFA Euro 2004	POR	Lehen fasea

Klubak aldatu

Kluba	Herrialdea	Urtea	Partidak	Golak
FC Spartak Mosku	SESB	1986 – 1991	106	34
SL Benfica	POR	1991 – 1993	9	0
Basse-Normandie	FRA	1993 – 1994	15	3
RC Strasbourg Alsace	FRA	1994 – 1996	61	15
Real Club Celta de Vigo	ESP	1996 – 2004	290	72
Deportivo Alavés	ESP	2005	1	1
Guztira			482	125

Palmaresa aldatu

Txapelketa nazionalak aldatu

Titulua	Kluba	Herrialdea	Urtea
Sobietar Batasuneko Futbol Liga	FC Spartak Mosku	SESB	1986-1987
Sobietar Batasuneko Futbol Liga	FC Spartak Mosku	SESB	1988-1989
Errusiako futbol liga	FC Spartak Mosku	Errusia	1991-1992
Portugalgo futbol liga	SL Benfica	Portugal	1993-1994
Portugalgo futbol kopa	SL Benfica	Portugal	1992-1992

Nazioarteko txapelketak aldatu

Titulua	Kluba	Herrialdea	Urtea
Copa Intertoto de la UEFAko Intertoto Kopa 2000	Real Club Celta de Vigo	Espainia/Errusia	2000
UEFAko Intertoto Kopa 1995	RC Strasbourg Alsace	Austria/Frantzia	1995

Erreferentziak aldatu

Wikimedia Commonsen badira fitxategi gehiago, gai hau dutenak: Aleksandr Mostovoi

Datuak: Q342680
Multimedia: Aleksandr Mostovoi / Q342680

[#1-1] ttps://elpais.com/deportes/2012/06/04/actualidad/1338837145_411944.html

[#2-2] ttps://as.com/futbol/2017/02/20/mas_futbol/1487599035_258102.html

[3] ttp://www.rsssf.com/miscellaneous/mostovoi-intl.html

[1]

[2]

[3]