Alangeko bainuetxea

Alangeko bainuetxea Badajozeko Alange herrian, Méridatik 18 kilometrotara, dauden ur termalen bainuetxe historikoa da. Bainuetxe-gunean, termekin batera, hotelak eta beste instalazioak daude. Ur-iturri hauen erabilera Antzinako Erroma aurrekoa bada, erromatarrak izan ziren lehenengo gune eraiki zutenak.

Alangeko bainuetxea
World Heritage Logo global.svg UNESCOren gizateriaren ondarea
Kultura ondasuna
Méridako arkeologia multzoa
Termasalange.jpg
Kokapena
Estatu burujabe Espainia
Autonomia Extremadura
ProbintziaBadajozko probintzia
UdalerriaAlange
Koordenatuak 38° 47′ 04″ N, 6° 14′ 37″ W / 38.78444°N,6.24361°W / 38.78444; -6.24361Koordenatuak: 38° 47′ 04″ N, 6° 14′ 37″ W / 38.78444°N,6.24361°W / 38.78444; -6.24361
Arkitektura
Azalera 0,2977 ha
Gizateriaren ondarea
Erreferentzia 664-022
Eskualdea[I] Europa eta Ipar Amerika
Izen-ematea bilkura)
BIC RI-51-0000396
  1. UNESCOk egindako sailkapenaren arabera

HistoriaAldatu

Erromatarrak heldu aurretik ur horien erabilera osasuna hobetzeko ezaguna zen. Erromatarrek III. mendean termal-gune txiki bat eraiki zuten. Emerita Augustarekin lotuta, inguruko osasun eta solasaldi gunea bihurtu zen. Osasuna berreskuratzeagatik jarritako botozko oroigarriak ezagutzen dira. Hori da, esaterako, Varinia Serenaren historia. Neska patrizio gazteak haurrak izateko arazoren bat zuen eta, antza, ur termalei esker sendatu zen; haren aitak, Licinius Serenianus Clarissimus, Junori eskainitako botozko aldaretxo bat jartzea agindu zuen. Horrek zera adierazten du: iturburu hauek jainkosari eskainita zeuden, azken buruan, emankortasunaren eta familiaren jainkosa bera baitzen.

Erroma garaiko eraikina laukizuzena da eta kamara zirkular berdinak zituen, bakoitza sexu baterako. Bertara igotzeko harrizko eskailera egin zuten, bestetik. Kameren erdian bainu biribilak zeuden. Kamera horien sabaiak bi ganga esferaerdikoek ixten zuten. Ganga erdian argizuloak zeuden. Erromatarrek ere ostatuak eta nekropoli bat eraiki zituzten.

Musulmanen garaian inguruko toponimoa aldatu zen, Alanghe, hau da, «Alaren Ura». Ondoren, bainuak utziak izan ziren. XVIII. mende amaieran berreskuratzeko lanei ekin zieten. XIX. mendean egungo eraikina altxatu zen. 1930ean Monumentu Nazionala izendatu zuten eta 1985ean Espainiar Ondare Historikoa. XX. mendeko amaieran instalazioak berritu ziren eta hotel berri bat ireki zen.

Uren ezaugarriakAldatu

Iturriaren urak sakontasune handian sortzen dira eta igotzeko prozesuan aberastu egiten dira: alfa energia (radon 222 eta 226) eta mineralak: litio, karbonatoak eta sodio, magnesio eta kaltzio bikarbonatoak.

Ezaugarriak
Eroankortasuna (mS/zm) 152,0
Temperatura (°C) 28,0
Bikarbonatoak (mg/l) 39,6
Kloruroak (mg/l) 35,6
Sulfatoak (mg/l) 48,3
Potasio (mg/l) 6,8
Kaltzio (mg/l) 9,2
Fluor 0,1
Litio (mg/l) 0,07
Sodio (mg/l) 22,1
Magnesio (mg/l) 5,4
Nitratoak (mg/l) 18,6
Silize (mg/l) 33,5

GaleriaAldatu

ErreferentziakAldatu

Kanpo loturakAldatu

Wikimedia Commonsen badira fitxategi gehiago, gai hau dutenak: Alangeko bainuetxea